ЖЫЛНААМА, 2-ФЕВРАЛЬ: 132 жыл мурун аскер башчы Михаил Фрунзе туулган

Михаил Васильевич Фрунзе 1885-жылы 2-февралда Пишпек шаарында фельдшердин үй-бүлөсүндө туулган. 1896-жылы ал Верныйдагы эркектер гимназиясына тапшырып, аны алтын медаль менен аяктаган. 1904-жылы Петербургдагы Политехникалык институттун экономикалык факультетинде окуп жүрүп революциялык иштерге аралашкан. Бир нече жолу революциялык иштери үчүн камакка алынган. Октябрь революциясынан кийин Жарандык согуш мезгилинде Чыгыш фронтун, Түркстан, Түштүк фронтторун жетектеген. 1924-жылы СССРдин Аскер жана деңиз министри болуп дайындалган. Михаил Фрунзе 1925-жылы 31-октябрда 40 жашында операция учурунда каза тапкан.

Анын атын Бишкек шаары 1926-жылдан 1991-жылга чейин алып жүргөн.

2-февралдын жылнаамасы.

Автор: Нургазы Аматов