Эркин Каимов: "Өлкөдөгү темир жол тармагына акыркы 10 жылдын ичинде бир да инвестор тартылган эмес"

"Кыргызстанда темир жол системинин негизги жабдуулары эски". Бул тууралуу “Кыргыз темир жолу” ишканасынын басма сөз катчысы Эркин Каимов билдирди. Анын айтымында, темир жол жабдуулары өзүнүн иштөө мөөнөтүн өтөп бүткөн.

“Бүгүнкү күндө жол чарбасы боюнча жабдуулардын 71 пайызы, электр менен камсыздоо жабдыктарынын 50 пайызы, байланыш жана кабарлоо боюнча тетиктердин 63 пайызы жана темир жолдордогу рельстердин 30 пайызынын эскилиги жеткен”,-деди ал. Ошондой эле Каимов темир жол иштей баштагандан берки эң чоң маселе - инвесторлорду тартуу экендигин айтты. “Ачыгын айтыш керек, акыркы он жылдын ичинде темир жол тармагына бир да инвестор тартылган эмес”,- деп кошумчалады.

Автор: Ширин Жумадилова