Бишкекте Жеңиш күнүнө карата “Георгиев тасмасы” аттуу акция болду

Окуучулар согуштун ардагерлерине гүл тапшырууда

Согуштун ардагери Асад Гасанов жаш муунга каалоо айтууда

Согуштун ардагерлерин куттуктап келген мектеп окуучулары

Согуштун ардагерлерин куттуктоого келгендер

Согуштун ардагерлерин куттуктап, аларга ыр арнаган мектеп окуучусу

"Георгиев тасмасы"

Орусиянын Кыргызстандагы элчиси Андрей Крутько

Акциянын уюштуруучулары

Согуштун ардагерлерин куттуктап келген мектеп окуучулары

Улуу Ата Мекендик согуштун ардагерлери

Мектеп окуучулары концерт тартуулашты

Улуу Ата Мекендик согуштун ардагерлери

Бүгүн, 30-апрелде Бишкек шаарындагы Жаш Гвардия бульварында 9-Май - Жеңиш күнүнө карата “Георгиев тасмасы-2013” аттуу акция болду. Иш-чара Орусиянын Кыргызстандагы элчилиги тарабынан уюштурулуп, быйылкы жылды кошкондо 4-жолу белгиленди. Анда Улуу Ата Мекендик согуштун ардагерлери конок катары чакырылып, Бишкек шаарындагы №8-9-13-мектептердин окуучулары келген ардагерлерге чакан ыр-бий тартуулоо менен таазим кылып гүл тапшырышты.

“Акциянын негизги максаты - келечек муунга бейпил жашоо калтыруу үчүн Ата Мекендик согушка катышып, баатырларча курман болгон аталарыбыздын жана арабыздан азайып бара жаткан согуштун ардагерлеринин элестерин түбөлүккө калтыруу”,- дейт Орусия кызматташтыгынын Кыргызстандагы өкүлчүлүгүнүн басма сөз кызматкери Роман Перфильев.

Өз кезегинде ардагерлер дагы жаштарга, келечек муунга бейпил жашоо, жаркын келечек каалашты. Соңунда келген конокторго жана катышуучуларга “Георгиев тасмалары” таратылды. Белгилей кетсек, “Георгиев тасмасы” – кара жана саргыч түстө болуп, кара түс – түтүндү билдирсе, кызгылтым түс – отту, жалынды түшүндүрөт.

Автор: Ширин Турдакунова
Фото: Ширин Турдакунова