Чыныбай Турсунбеков КСДПчылар камалган депутаттарга байланыштуу документтерге кол койбой турганын айтты

Жогорку Кеңеште маалымат-жыйын өткөргөн КСДП фракциясынын төрагасы Чыныбай Турсунбеков кармалган депутаттар боюнча фракциянын көз карашын билдирди. Ал белгилегендей, КСДПнын бир да депутаты кармалган депутаттардын баш коргоо чарасын өзгөртүү же аларга колдоо көрсөткөн кандайдыр бир документтерге кол койбойт. Бул маселе боюнча фракциянын жыйыны болгон. Эгер кайсы бир депутат жогоруда аталган документтерге кол коюп берсе, аны фракциядан чыгаруу маселеси карала турганын айтты эл өкүлү.

Автор: Автандил Добулбеков