Оштогу окуу жайларда Конфуций класстары ачылып, анда кытай тили бекер үйрөтүлөт

Ош мамлекеттик университетинин кыргыз-кытай факультетинин демилгеси менен Ош технологиялык университетинде, Ош гуманитардык-педагогикалык институтунда жана "Билим" лицейинде Конфуцийдин класстары ачылат. Бул тууралуу Билим берүү министрлигинен бүгүн, 10-мартта кабарлашты.

Тиешелүү келишимге окуу жайлардын жетекчилери тарабынан кол коюлган.

"Конфуций класстары заманбап материалдык-техникалык база, аудио-видео жабдуулар, керектүү китептер менен камсыздалышат. Кытайдан ар бир класска 2ден ыктыярчылардын келүүсү күтүлүүдө. Алар студенттерге, окуучуларга кытай тилин бекер үйрөтүшөт. Ошондой эле кытай тили боюнча экзаменге даярдашат. Бул өз кезегинде студенттер үчүн Кытай окуу жайларына гранттык негизде окууга тапшырууга шарт түзөт", - деп айтылат маалыматта.

Автор: Үмүт Абдраимова