И.Субанкулов: “Быйыл жазында 3 миңдей жаран аскер кызматын өтөөгө чакырылат”

“КРнын жарандарынын жалпыга бирдей аскердик милдети жөнүндө, аскердик жана альтернативдик кызматтар жөнүндө” мыйзамына өзгөртүүлөр жана толуктоолор киргизилген. Жаңы мыйзамдын өзгөчөлүгү болуп, анда аскерге чакыруу экстерриториялык белгилер боюнча 18ден 25 жашка чейин чакыруу бекитилген. Мындай маалыматты Коргоо министринин биринчи орун басары, полковник Илязбек Субанкулов бүгүн, 3-майда билдирди. Маалыматка ылайык, эски мыйзамда аскерге чакыруу 18ден 27 жашка чейин бекитилген. “Быйыл жазгы аскердик кызмат өтөөгө 3 миңдей жаран мөөнөттүү аскер кызматына жана 10 миңдей жаран альтернативдик кызматка чакырылат”,- деп кошумчалады полковник И.Субанкулов.

Автор: Ширин Турдакунова