Дүйнөлүк көчмөндөр оюндарын өткөрүүгө салым кошкондорго президенттин атынан ыраазычылык каты тапшырылды

Бүгүн, 10-март күнү Мамлекеттик "Ала-Арча" резиденциясында Дүйнөлүк көчмөндөр оюндарына катышып колдоо көрсөткөндөргө, демөөрчүлөргө, уюштуруучуларга жана аны чагылдырган бир катар маалымат каражаттарына Ыраазычылык баракчасы берилди.

Өлкө башчысы Алмазбек Атамбаевдин атынан аны президенттик аппараттын жетекчиси Сапар Исаков тапшырды. SUPER.KG порталы да президенттин Ыраазычылык баракчасына арзыды.

Айта кетсек, II Дүйнөлүк көчмөндөр оюндары 2016-жылы сентябрь айында Чолпон-Ата шаарында өткөн.

Автор: Гүлжан Асанкожоева
Фото: Гүлжан Асанкожоева