ЭЛДИК КАБАР: Ничке-Сай айылында кайрадан көчкү жүрүү коркунучу сакталууда

Ош облусуна караштуу Өзгөн районунун Ничке-Сай айылында көчкү жүрүү коркунучу сакталууда. Бул тууралуу окурман "Элдик кабарга" билдирди.

"Көчкү жогорудан төмөн көздөй жылып келе жатат. Тоо тарапка тигилген бак-шак, үйлөрдүн дубалын басып калган. Көчкү 6 мүнөттө 1 метрден жылып жатат дешүүдө. Элдин абалы жакшы эмес. Кооптуу жайдан качып, үй-жайын таштап чатырда жашашууда. Негизги жолду да бөгөп калды", - дейт окурман.

Эскерте кесек, 26-мартта ушул эле айылда көчкү жүрүп, 1 үй-бүлөнүн 6 мүчөсү көчкү алдында калган. Үй-бүлө мүчөлөрүнүн баары көз жумган.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.