Акыркы үч жыл аралыгында 4 миңден ашуун Кыргыз бала багып алууга берилген

Кыргыз Республикасында 2013-2016-жылдар аралыгында 4 миңден ашуун бала багып алууга берилген. Анын 3 942син Кыргыз жарандары багып алышса, 66 баланы чет өлкөлүктөр асырап алышкан. Мындай маалымат вице-премьер-министр Чолпон Султанбекованын катышуусундагы Өкмөттүн алдындагы ювеналдык юстиция боюнча Ведомстволор аралык координациялык кеңештин жыйынында белгилүү болду. Бул тууралуу 12-апрелде өкмөттүн басма сөз кызматы билдирген.

Жыйында Кыргыз мамлекетиндеги үй-бүлөлүк тарбия берүүнүн абалы жана аны өнүктүрүү, КРнын Өкмөтүнүн «2014-2018-жылдарга балдар интернаттарынын мекемелерин каржылоо жана башкармалыктарды оптимизациялоо» боюнча токтомунун аткарылышы, гейткипинг механизмин өздөштүрүүнүн алкагында интернат тибиндеги балдар мекемелерин реформалоо системи жана Кыргыз өлкөсүндөгү социалдык тейлөөлөрдү өнүктүрүүнүн Концепциясы тууралуу маселелер каралды.

Вице-премьер-министр жетим балдарды жана ата-энесинин камкордугусуз калган балдарды колдоо Өкмөт үчүн өлкөдө балдарды гармониялуу жана ар тараптуу өнүктүрүүгө багытталган негизги милдеттеринин бири экендигин билдирди. Ошондой эле аймактарга жумуш сапары менен барганда балдар интернаттарынын абалын жана ал жактагы чыныгы көйгөйлөрдү көргөнүн айтты.

"Балдарды кароо шарттары көңүл жылытарлык эмес, дээрлик бардык мекемелерде балдардын санын көбөйтүп жазган "өлүк жандар" системи бар. Мындан сырткары балдар интернаттарында тарбияланган 94 пайыз балдардын ата-энеси бар же бирөөсү бар, же туугандары бар балдар. Болгону 6 пайыз бала томолой жетимдер. Көпчүлүк учурда балдар үй-бүлөсүнүн аз камсыздыгынан балдар үйлөрүнө туш болушат", - деди ал.

Жыйындын соңунда Эмгек жана социалдык коргоо министрлигине 2017-жылдын 1-октябрына чейин республиканын аймактарында кабыл алуучу (фостердик) үй-бүлөлөрдүн түзүлүшүнө багытталган иштерди активдештирүү керектиги айтылды.

Мындан сырткары Өкмөттүн облустардагы өкүлдөрүнө, шаар мэрлерине 2013-2018-жылдарга интернат тибиндеги балдар мекемелерин оптимизациялоо жана каржылоо боюнча планынын иш жүзүнө ашырылуусун камсыз кылуу жана башка бир катар тапшырмалары берилди.

Автор: Айпери Ганыжан кызы

08:32 13-04-2017

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1429 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 341 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1204 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1542 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 488 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 366 0

Архив

Комментарийлер (2)

Qwer007

2017-04-13 09:18:04

Кыргыз элим ошол балдарды ар бирибиз багып алалычы. Ылайым Кыргызстанда келечекте балдар уйундо иштегендер бекер отуруп калса экен, балдар уйу деген нерсе жок болуп кетсе экен. Оомин , оомин

take19

2017-04-13 21:54:27

Чет олколукторго багууга бербей эле коюш керек болчу. Алар кыргыз болбой калат да. Ансыз да кыргыздар ар кай жакта журобуз.

Комментарий калтыруу үчүн өз ысымыңыз менен кириңиз же каттоодон өтүңүз.