Сооронбай Жээнбеков Ош облусундагы кооптуу аймактар жана табигый кырсыктын кесепеттери менен таанышты (фото)

Кыргыз Республикасынын Премьер-министри Сооронбай Жээнбеков бүгүн, 30-апрелде Ош облусундагы жумушчу сапарынын жүрүшүндө аймактагы кооптуу аймактар жана табигый кырсыктын кесепеттери менен таанышты. Бул тууралуу өкмөттүн басма сөз кызматы билдирди.

"Өкмөт башчы Бишкек-Ош авто жолунун 610-чакырымындагы аймакты көрүп, анда Жазы дарыясынын өзгөрүүсүнөн улам суу каптоо коркунучу бар экенин көрдү. Премьер-министр дарыя жээгин толук жуулуп кетүүсүн болтурбоо жана суунун деңгээлинин убактылуу кармап туруу үчүн кошумча жээк бекемдөөчү дамбаны элүү метрге кеңейтүүнү тапшырды.

Тийиштүү мамлекеттик органдарга дарыянын жээгиндеги топуракты ташып кетүүгө тыюу салуу менен, мындан ары Өзгөчө кырдаалдар министрлиги менен аталган ишмердүүлүккө лицензия берүүнү макулдашууну, ошондой эле ыкчам тартипте 200 метрлик жаңы дамба куруу боюнча сунуш киргизүүнү тапшырды", - деп айтылат маалыматта.

"Эч ким качан, кайда табигый кырсык болорун билбейт, мындай кырдаалда биз ыкчам түрдө кырсыктын кесепеттерин жоюу үчүн биргелешип күч аракеттерди бириктирүүбүз керек. Ошондой эле баарыңыздарды ӨКМнын адистеринин коопсуз жайларга көчүү боюнча сунуштамаларын, кеңешин угууга чакырам", - деп билдирген Сооронбай Жээнбеков.

Ошондой эле өкмөт башчы Өзгөн районундагы Төрт-Көл айыл аймагындагы үч айыл өкмөтүнүн жашоочулары үчүн (Ийри-Суу, Чангет жана Заргер ) аталган айылдар жер көчкүсү жүрүү коркунучу бар аймакка киргендиктен аларга бөлүнүп жаткан жер участкаларын көрдү.

Сооронбай Жээнбеков жер участкаларын бөлүү боюнча маселе чечилгенин билдирди.

Тийиштүү мамлекеттик органдарга бардык зарыл болгон инфраструктураны камтыган Башкы планды иштеп чыгуу тапшырылды. Жалпысынан 34 гектар жер бөлүнөт.

Автор: Турсунай Алымкулова
Фото: Өкмөттүн басма сөз кызматы

18:22 30-04-2017

Жазылуу

РУБРИКАДАГЫ СОҢКУ КАБАРЛАР

10:01 2025-07-05 | Коом жана турмуш

Ошто сууга түшүп кеткен эки өспүрүмдүн сөөгү табылды 35 0

09:40 2025-07-05 | Коом жана турмуш

Бишкекте үч эм наристе төрөлдү 174 0

09:20 2025-07-05 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 1779 0

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1956 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 508 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1536 0

Архив

Комментарийлер (7)

Kroxa

2017-04-30 18:37:34

Бапып коргону жакшы болду эми ойлоноорсунар..

Munar8625

2017-04-30 18:45:05

Kroxa,Барып келип тууганым.

Kroxa

2017-04-30 19:27:37

Munar8625,Барып коргону кечир..телефондон шашылып басып алган окшойм..

Salman.eldar

2017-04-30 22:27:54

жакшы хоть ХХХ которуп, барып козу мн коруптур. бирок эчнерсе озгорбойт коросунорго, главное корду!

Best.bakyt

2017-05-01 05:22:28

Деле ушу Жээнбековтордун оз алдынча жыргатып бир нерсе чечкенин уга элекмин. ХХХ

baiazat

2017-05-01 05:40:59

Чек бергендер да акча иштеп калайлы деп коздорун кызартыып журот.. Наглый сурап атчат

Kg.joma

2017-05-01 07:06:09

Бул деле жылма боло бер отту,
Болбосо канчалаган жыл иштеди губернатор болуп,
Бааарын горго киргиле бийликтегилер.
Элим аман болсун, озундон калба элим амииин

Комментарий калтыруу үчүн өз ысымыңыз менен кириңиз же каттоодон өтүңүз.