Кыргыз Улуттук университетинин ректору 27-майда шайланат. Ректорлукка 9 талапкер бар

Кыргыз Улуттук университетинин ректору 27-майда шайланат. Бул тууралуу бүгүн, 1-майда окуу жайдын расмий сайтына жарыяланды.

Маалыматка ылайык, университетте мамлекеттик жогорку окуу жайлардын жетекчисин шайлоону өткөрүү боюнча жобонун талаптарына жооп берген 1 миң 580 кызматкер иштейт. Ал эми ректорлукка 9 талапкер документтерин тапшырган.

Талапкерлер: Асел Абакирова, Эмилбек Акунов, Нурзак Асанбеков, Гурас Жапаров, Таалайбек Каракеев, Зарема Казанбаева, Канат Садыков, Нур Саралаев, Туратбек Суранаев. Алар кызматтык орундарын 15-майдан баштап тапшырышат.

Эске салсак, 6-апрелде университеттин ректору Чынара Адамкулова кызматтан кетип, анын ордуна мурдагы билим берүү жана илим министри Канат Садыков ректордун милдетин аткаруучу болуп дайындалган.

Автор: Жылдыз Джускембаева
Фото: Интернеттен алынган