Ленин райондук администрациясы: "Бишкектеги авариялык абалга жеткен турак үйдүн дубалын жашоочулар өздөрү оңдосун"

Бишкектин Фучик-Киев көчөлөрүнүн кесилишиндеги бир тарабы урап түшүп жаткан турак жайдын дубалын оңдоо иштерине бюджеттен акча бөлүүгө мыйзам жол бербейт. Бул тууралуу SUPER.KG порталына борбор калаанын Ленин районунун акиминин орун басары Аскат Карынбаев маалымдады.

“Дубалдары кооптуу абалда турган көп кабаттуу үйдүн абалы бизге тааныш. Ошол үйдөгү жашоочулардын ынтымагы жоктугунан ушундай абал жаралган. Мындан 4 жыл мурун жашоочулар менен биргеликте комиссия түзүп, дубалды сыртынан шыбап чыгуу аракеттерди көргөнбүз. Ошол маалда оңдоо иштерине 150-200 миң сомдой керектелмек. Жашоочулар өздөрү акча чогултпай койгондуктан, оңдоо иштери жүргүзүлбөй калган. Эми 1 миллион сом жумшалышы мүмкүн. Себеби ураган, чириген кирпичтер көбөйүп кетти. Биринчи кезекте үйдүн ичиндеги даараткана менен жуунуучу суунун саркындысы аккан түтүкчөлөрдү оңдош керек. Суу ичинен агып дубалдын сыртына чыгып жатат. Бюджеттен каражат бөлдүрүп берели десек, ага мыйзам жол бербейт”, - деди акимдин орун басары.

“Шаарды өнүктүрүү агенттиги аркылуу 50 пайыз грант алып, калган сумманы жашоочулар чогултса маселе чечилет. Бирок жашоочулардын 90 пайызы батирлерди ижарага алып жашагандар болгондуктан, алар акча чогултушпайт. Батир ээлери болсо өздөрү шаар четиндеги кымбат баалуу үйлөрдө жашашат. Бир-эки айлык ижарадан алган акчаларын жумшап койсо, үйдүн дубалы оңдолуп калмак”, - деп кошумчалады Карынбаев.

Эскерте кетсек, буга чейин Бишкектин Ленин районуна караштуу Фучик көчөсүндөгү беш кабаттуу №20-турак жайдын бир тарабынын дубалдары урап түшүп жаткандыгын үйдүн жашоочулары билдиришкен эле.

Автор: Илязбек Балташев

16:41 31-05-2017

Жазылуу

РУБРИКАДАГЫ СОҢКУ КАБАРЛАР

19:51 2025-07-07 | Саясат

Сел жүрүп жатат... Бишкек-Ош унаа жолунун Токтогулдагы бөлүгү убактылуу жабылды (видео) 230 0

19:43 2025-07-07 | Коом жана турмуш

"Мал десең арданат..." Бишкектин вице-мэри айдоочунун жоругу тартылган видео менен бөлүштү 176 0

19:15 2025-07-07 | Саясат

Садыр Жапаровдун Тажикстанга аз убакытта кайра барышы боюнча түшүндүрмө берилди 586 0

18:53 2025-07-07 | Коом жана турмуш

Буллингге кабылган балага жардам. Агартуу министрлиги социалдык ролик менен бөлүштү 176 0

18:06 2025-07-07 | Кылмыштар, кырсыктар

Психотроптук дарылар табылып... Бишкекте 3 түнкү клубда текшерүү жүрдү 421 0

17:54 2025-07-07 | Саясат

Транспорт министри Нарындагы нааразычылык жараткан жолдор боюнча маалымат берди (видео) 789 0

Архив

Комментарийлер (7)

Muslim_KGstana.

2017-05-31 16:51:08

Чыгып кеткиле да анда квартиранттар зачем баш оорутуп?

RusMos76

2017-05-31 18:09:44

Уй ээлери кайда квартплата алган!

akil.91

2017-05-31 18:44:58

RusMos76, айтып атпайбы алар шаар четинде жашашат деп...

raykray

2017-05-31 18:40:08

Момбековдун ырындай Кайдыгерлик(((

Jigit.1982

2017-05-31 18:58:12

Ушул уй кулап Адам омурун алса дагы компенсация талап кылышат окмот карабады эскертпеди деп. Ремонт кылгыла болбосо жашоого ылайык келбейт деп айдап чыгыш керек.

scorp

2017-05-31 19:17:27

Качан уйдун жарымы урап тушкондо анан жогорудагылар кыймылдап баштайт жалганды корпой эле айтып, ар демкени суйлошуп элдин башын айланып дагы акча чогултуп алышатда жардамга деп, бийликтегилер кырсыктарды эле кутуп тургандай сезилип калды кырсык болсо дароо элден акча чогултуп жарымын берип жарымын жесек деп....

Nevestkaa

2017-05-31 23:09:01

Туура эле айтат жеке менчик квартираны ар ким өзү оңдойт да.Кырг.ар эски үйдү мамлекет оңдоп берсе элдер кичине көчө баштаган үйлөрүн деле оңдотуп алат го.Мындан башка канча проблемалар бар.Көчкүдө калгандардын үйлөрүн оңдоп берсин биринчи .

-1

Комментарий калтыруу үчүн өз ысымыңыз менен кириңиз же каттоодон өтүңүз.