Аксы районунун Итагар айылындагы 15 үй сел алып кетүү коркунучунда турат

Жалал-Абад облусуна караштуу Аксы районунун Итагар айылындагы 15 үйдү сел алып кетүү коркунучу жаралды. Бул тууралуу SUPER.KG`ге Итагар айылынын башчысы Ажибек Алымкулов билдирди.

"Учурда 15тен ашуун үйдү сел алып кетүү коркунучу бар. Кечээ күнү жүргөн сел үйлөрдүн үстү тарабындагы жээкти оюп кеткен. Бүгүн дагы сел келе турган болсо 5-6 үйдү алып кетет. Кырсыкты алдын алып сайдын жээгин тосуу үчүн техникалар келишин күтүп жатабыз”, - дейт ал.

Итагар айылынын тургуну Бекмырза Абдыразак уулу жергиликтүү бийлик тарабынан жакшы көңүл бурулбай жатканына нааразы.

“Сел 3-4 үйдү жана 15тей үйдүн айдоо жерин каптап кетти. Эртең менен ӨКМнын кызматкерлери менен айыл өкмөт башчысы келип айылдын абалы менен таанышышты. "Сел ашып кетүүсү мүмкүн болгон коркунучтуу жерлер оңдолобу?" - десек "азырынча бизде техника жок, табууга аракет кылабыз болсо жиберебиз", - дешкен. Акимдин орун басары келип айылдын кире беришиндеги сел алып кеткен көпүрөнү көрүп эле кетип калыптыр, айылдын абалы менен таанышкан жок", - дейт Бекмырза Абдыразак уулу.

Автор: Кенжебай Сатканалиев
Фото: Бекмырза Абдыразак уулу

17:02 05-06-2017

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 256 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 285 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 247 0

22:26 2025-06-26 | Коом жана турмуш

27-июнга карата аба ырайы 356 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1809 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1338 0

Архив

Комментарийлер (4)

Kroxa

2017-06-05 18:04:20

Селден кудай сактасын....топон суу каптачу маал окшойт кыямат кайым акыр заман белгиси..

Musabaeva.

2017-06-05 18:52:18

Kroxa,топон суу каптоочу дебей Кудайга тобо кылсаныз!

akil.91

2017-06-05 18:32:18

Природасы ото сонун экен!

dina1983-19

2017-06-05 18:47:42

Аксынын акимин көрөбүз элин кандай карайт экен. Өткөндө бир аким "силерди бироо ошол жерге барып жашагыла депби" деген. Бул жаратылыш кырсыгы каерде жашасаңда кудайым наржактан жөнөткөн болсо барибир келет. Акимдин сөзү ушундай.

Комментарий калтыруу үчүн өз ысымыңыз менен кириңиз же каттоодон өтүңүз.