2013-жылдын “Эң мыкты тасмасы” - “Ханбийке Назик”

Геннадий Базаровдун сыйлыгы тапшырылып жатканда залда отурган эл тура калып кол чабышты

Геннадий Базаров ыраазычылыгын билдирүүдө

Геннадий Базаровдун сыйлыгын тапшыруудан мурда ал тууралуу тартылган кыса метраждуу тасма көрсөтүлдү

Эң көп сыйлык чогулткан “Ханбийке Назик” көркөм тасмасы

"Мезгил жана Алыкул" тасмасынан үзүндү

Сыйлыктар тапшырылууда

Каныкей режиссёр Нурбек Эгендин "Ээнсиреген үй" тасмасына саундтрек катары жазган ырын аткарууда

"Мезгил жана Алыкул" тасмасынан үзүндү

"Ак илбирс" улуттук кино сыйлыгынын экинчи фестивалы башталды

Фестивалдын катышуучулары атайын тактайга эстеликке кол тамга коюшту

Ассоль Молдакматова, ырчы Чолпонай, актриса Элина Абай кызы жана башкалар

Ырчы Каныкей менен актриса Марал эстеликке сүрөткө түшүштү

Актриса Марал Койчукараева иш-чаранын эң сулуусу болду көрүнөт

Катарга тизилген эл фестивалдын катышуучуларын дүркүрөгөн кол чабуулар менен тосуп алып жатты

Кыргыз Эл баатыры Бексултан Жакиев менен улуу жазуучу Ч.Айтматовдун карындашы Роза Айтматова кызыл килемден өтүшүүдө

"Президент жана бомж" тасмасынын жаратуучулары

Режиссёр Геннадий Базаров кызыл килем үстүндө

Фестивалдын алпаруучулары

Фестивалдын катышуучулары кызыл килемден өтүштү

"Ак илбирс" улуттук кино сыйлыгынын негиздөөчүсү - Садык Шер-Нияз

Фестиваль башталардан мурда иш-чаранын катышуучулары катарга тизилип, сүрөткө түшүштү

15-майда Бишкекте "Ак илбирс" Улуттук киносыйлыгынын экинчи фестивалы өтүп, анда режиссёр Эркин Салиевдин “Ханбийке Назик” тасмасы - “Эң мыкты тасма” наамын жеңип алды. Фестивалдын ачылышында кыргыз кинематографиясына салым кошкон бир топ маданий ишмерлер кызыл килемден өтүшүп, “Манас” кинотеатрынын чоң залына чогулушту. Сыйлыктарды тапшыруу аземин актёр Азиз Мурадиллаев менен ырчы Чолпонай ачышты. Айта кетсек, “Эң мыкты тасма” наамы үчүн толук метраждуу тасмалардан “Сулуулар жана миллион”, “Мезгил жана Алыкул”, “Ханбийке Назик”, “Президент жана бомж”, “Ээнсиреген үй” тасмалары ат салышты. Ал эми кыскаметраждуу тасмалардын ичинен “Жымжырт”, “Майдан” жана “Чайка” тасмасы күч сынашса, даректүү тасмалардын ичинен “Зарыл ишиң болбосо, Зардалыда эмне бар?”, “Таштанбек” жана “Туткун” тасмалары калыстардын сынынан өтүштү. Фестивалда мындан башка да бир топ наамдар ээлерин тапты. Иш-чаранын соңунда жеңүүчүлөр төмөнкүлөр болду:

“Эң мыкты көрүмдүү тасма жана продюсер” – “Президент жана бомж” тасмасынын режиссёру Ырыс Окенова менен продюсер Өмүрзак Төлөбеков

“Эң мыкты монтажчы” – "Мезгил жана Алыкул" тасмасын монтаждаган Элдияр Мадакимов

“Эң мыкты үн режиссёру” – “Мезгил жана Алыкул” тасмасынын үн режиссёру Али Ахмадеев

“Эң мыкты көркөм сүрөтчү” – “Ханбийке Назик” тасмасынын көркөм сүрөтчүлөрү Эркин Салиев менен Азамат Мамбетов

“Эң мыкты сценарист” – “Ханбийке Назик” тасмасынын сценарийин жазган Эркин Салиев,

“Эң мыкты аял затынын ролу” – “Ханбийке Назик” тасмасынын башкы каарманы Айдай Салиева

“Эң мыкты эркектин ролу” – “Мезгил жана Алыкул” тасмасынын башкы каарманы Чыңгыз Мамаев

“Эң мыкты оператор” – “Ханбийке Назик” тасмасынын оператору Хасан Кыдыралиев

“Эң мыкты режиссёр” – “Ханбийке Назик” тасмасынын режиссёру Эркин Салиев

“Эң мыкты даректүү тасма” – режиссёр Абдуалим Мамадалиевдин “Зарыл ишиң болбосо, Зардалыда эмне бар?” тасмасы

“Эң мыкты кыска метраждуу тасма” – режиссёр Наргиза Маматкулованын "Жымжырт" тасмасы

"Эң мыкты тасма" – режиссёр Эркин Салиевдин “Ханбийке Назик” тасмасы.

Жеңүүчүлөр "Ак илбирс" Улуттук киносыйлыгынын статуэткасы менен сыйланышты.

Ошондой эле “Улуттук кинематографияга кошкон зор салымы үчүн” режиссёр Геннадий Базаров сыйланды.

Автор: Мээрим Жеңишбек кызы
Фото: Дастан Жаналиев

09:18 16-05-2013

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (5)

chikago

2013-05-16 03:12:06

Wow,сонун болгон го э?

Debi

2013-05-16 11:43:40

Элина көйнөгүн өзү эле тигип алган го

Debi

2013-05-16 11:44:13

Хан бийке Назикти эми кайдан көрөт экенбиз

nazira1989

2013-05-16 12:01:46

Жакшы болгон го,азаматтар...

admin_superstan

2013-05-21 12:58:42

kinoshnik
Саламатсызбы!
Гезитке чыгып жаткан ар маалымат такталып жазылат. Бул ирет да ошол кабарды гезитке берген кабарчы өзү күбө болуп келип, андан соң жазган. Бирок, тилекке каршы, тех. ката кетип калган. Катачылыкты жазганыңыз үчүн рахмат, эгер кандайдыр бир сын-пикириңиз болсо info@super.kg" же admin@super.kg электрондук даректерине жөнөтүшүңүздү сунуштайм.

Комментарий калтыруу үчүн өз ысымыңыз менен кириңиз же каттоодон өтүңүз.