Бишкекте "Манас" фестивалы башталды

Оператор иш үстүндө

Казакстандан келген Баянгалый Алимжанов манас айтууда

Боз-үйдүн ичинде жаа жебеси менен да илинген

Кытайдан келген кыргыз Асанаалы Калил уулу манасты кызуу айтууда

Оператор иш үстүндө

Манасчы Кубанычбек Алмабеков кызуу манас айтууда

Ысык чай сунулуп, манасчылар баарлашканга жетишишти

Нукура кыргыз дасторконун көөкөрсүз элестетүү кыйын

Кыздар дастаркондун үстүн даярдоо менен алек

Дастаркон жаңыдан жайылып баштады

Кытайлык манасчы Асанаалы Калил уулу аксакалдар менен учурашууда

Манасчы менен төкмө акын өз ара баарлашууда

Режиссёр жана оператор иш үстүндө

Колуна бүркүт кондурган бул мырзалар фестивалга конокко келишкен

Улуттук нарк. Боз үйдүн сыртында тайган байланып турат

Колуна бүркүт кондурган бул мырзалар фестивалга конокко келишкен

Манасчы Сапарбек Касмамбетов өнөрүн көргөзүүдө

Оператор иш үстүндө

Ар бир аймактан түз эфир башталгыча төкмө акындардын өнөрү тартууланууда

Бул шөкөттөлгөн боз үйдүн ичинде кызуу манас жаңырууда

18-майда Бишкекте ЭлТР телеканалында эл аралык деңгээлде “Манас” фестивалы башталды. Саат 10:00дөн баштап кечки саат 00:00гө чейин түз эфирде 18 манасчы өз өнөрлөрүн тартуулашмакчы.

Иш-чарага карата атайын боз үй тигилип, колдоруна бүркүт кондуруп отурган манасчылар дасторкон үстүндө кенен баарлашып алганга да үлгүрүшөт экен. Айтор, манасчылар буркан-шаркан түшө турган жай нукура улуттук колоритте жасалгаланыптыр. Ар бир облус менен болгон түз эфир башталгыча ак таңдай акындар алтын сөздөрүн төгүп да жатышты. Манасчылар Бишкектен сырткары Талас жана Ош облустарынан түз эфирге чыгышып, теле көпүрө катары фестиваль уланууда. Ал эми уюштуруучулардын бири, манасчы Рысбай Исаков фестивалга жалаң элге төбөсү көрүнүп калган, такшалган манасчылар катышып жатканын билдирди.

“Эртең, 19-майда Т.Сатылганов атындагы Улуттук филармонияда саат 15:00дө фестивалдын жыйынтыгы чыгарылып, катышуучуларды сыйлоо аземи болот. Учурдан пайдаланып демөөрчүлөргө ыраазычылык билдиребиз. Бул иш-чаранын максаты - "Манасты" элге жеткирип, манасчылардын жана элдин черин жазуу”,- дейт Исаков.

Автор: Ширин Жумадилова
Фото: Ширин Жумадилова