ЖЫЛНААМА, 19-ИЮЛЬ: 124 жыл мурун орус акыны Владимир Маяковский төрөлгөн

Мындан 124 жыл мурун, 1893-жылы 19-июлда 20-кылымдын улуу акындарынын бири, орусиялык Владимир Маяковский Кавказда жарык дүйнөгө келген. Акындын ырларын моряктар, жумушчулар жана аскерлер жатка билишкен. Жарандык согуштун оор жылдарында китептерди басып чыгарууга кагаз жетишпей, көптөгөн басмаканалар иштебей токтоп калган. Ошондо Маяковский мыкты сүрөтчү катары плакаттарды тартып, аларга өзү учкул ыр саптарын жазган.

Акындын поэмаларын, көптөгөн мыкты чыгармаларын миллиондогон адамдар сүйүп окушкан. Анын "Кантала" ("Клоп"), "Мончо" ("Баня") аттуу пьесалары Орусиянын жана чет өлкөлөрдүн театрларында коюлган. Маяковскийдин тынчтыкты, эркиндикти жана элдердин достугун жактаган ырлары көп тилдерге которулган.

Акын 1930-жылы 14-апрелде 36 жашында Москвада каза болгон.

19-июлга карата жылнаама.

Автор: Саадат Токтоболот кызы