Польшада украиналык качкындар өлкөдөн барган сайын көп кетип жатканы кабарланды

Украиналык качкындар жергиликтүү тургундар менен мамиледеги чыңалуунун күчөшүнөн улам Польшадан барган сайын көп кетип жатышат. Бул тууралуу Myśl Polska басылмасы Евростаттын маалыматтарына таянып жазды.

Басылманын маалыматына ылайык, 2026-жылдын май айында Польшада убактылуу коргоо макамына ээ болгон украиналыктардын саны 3 миң 750 адамга, июнда 6 миң 335 адамга, ал эми июлда 8 миң 110 адамга кыскарган.

Макалада украиналык качкындар жергиликтүү калк менен коомдук чыңалуунун күчөшүнө, өздөрүн чоочун сезүүгө жана поляктардын аларга болгон мамилесинен көңүл калууга даттанып жатканы белгиленген.

Эске салсак, Украинадагы аскердик жаңжал башталгандан кийин Польшага бир нече миллион украиналык качкын барган. Польша бийлиги аларга өлкөдө болуу үчүн жеңилдетилген шарттарды түзүп, материалдык жардам көрсөтүп, медициналык жана билим берүү кызматтарын пайдаланууга мүмкүнчүлүк берген.

Автор: Айзада Кыдырмышева