Текебаев менен Чотоновдун сотунда чыр чыгып, отурум үзгүлтүккө учурады

Бүгүн, 19-июлда Бишкек шаарынын Биринчи Май райондук сотунда Өмүрбек Текебаев менен Дүйшөнкул Чотоновдун иши боюнча соттук отурум уланды. Анда күбө катары Бактыбек Калпетов суралды.

"2010-жылы 13-майда Дүйшөнкул Чотоновдун жанында жүргөм. Түштөн кийин Исаков экөө Ошко тик учак менен учуп кетишти", - деди Калпетов.

Кийинки күбө Замирбек Аданов: "Мен 2010-жылдын 13-майында Чотонов менен болдум. Себеби ал убактарда анын айдоочусу болуп иштегем. Эртең менен аны үйүнөн жумушка алып бардым. Түштөн кийин аэропортко бардык, бирок учак учпай Коргоо министрлигинин аэродромуна келдик. Ал жерден Чотонов менен Исаков тик учак менен Ошко учуп кетишти", - деди.

Ал эми Руслан Бейшебаев өзүн Талант Маматкеримов менен мектепте чогуу окугандыгын айтты. "2010-жылдары Талант менен чогуу кафелердин биринде отуруп калдым. Руслан Оңолбеков да бар болчу. Талант ошондо "Жакында Азатты "Мегакомдун" тышкы байланыш башкармалыгына жетекчи кылып дайындайбыз" дегенин уккам".

Ошондой эле соттук отурумдун жүрүшүндө күбө катары Темир Эмилов да суралды.

"2010-жылы мен Ленин районунун акиминин орун басары болуп иштегем. Август айларында түшкө жакын "Супарага" Өмүрбек Чиркешович менен баргам. Ал жакта орус киши күтүп отуруптур. Биз менен Борбашев ошондой эле Текебаевдин жан сакчысы бар болчу. Орус кишинин Маевский экенин жакында эле билдим. "Супарада" Чотонов жок болчу", - деди Эмилов.

Акыркы күбө сүйлөп жатканда прокурор сотко "Күбөгө залдагылар жардам берип жатат, эскертүү бериңиз" деп кайрылды. Сот залда отурган Канат Азизди конвойлорго айтып чыгарып салды. Буга соттолуучунун тарапташтары нааразы болуп чыгышты. Сот аларды да баарын залдан чыгарып салууну айтты. Залдан эл чыкпай коюп сот Айбек Эрнис уулу 5 мүнөт тыныгуу жарыялап чыгып кетти. Кийин Текебаев менен Чотоновду да залдан алып чыгып кетишти.

Текебаевдин сотунда чыр чыкты 19.07.17

Автор: Илязбек Балташев
Фото: Илязбек Балташев

15:23 19-07-2017

Жазылуу

Тектеш кабарлар:

Текебаев менен Чотоновдун сотунда жактоочу Маевскийдин 700 миң долларын Москвадан алып келген адамдын өздүгүн тактоону өтүндү

Текебаевдин сотунда жарыш сөз башталды

Текебаев прокурорлор объективдүү далилдерди жана күбөлөрдүн көрсөтмөлөрүн эске албаганын айтты

Текебаевдин сотунда "Альфа-Телеком" боюнча маселелер Убактылуу өкмөттүн мүчөлөрүнөн Алмазбек Атамбаевдин карамагында болгону айтылды

Текебаевдин сотунда Модин Талант Маматкеримовго кандай жагдайда 300 миң доллар бергенин айткан видео көрсөтүлдү

Текебаев менен Чотоновдун иши боюнча соттук териштирүү аяктады. Текебаев жарыш сөздө 100 барак окуйт

Текебаев менен Чотоновдун соту: Сотто Алексей Модиндин 2010-жылы кимдин кабинетине киргени белгилүү болду

Текебаевдин сотуна Роза Отунбаева келди

Базар-Коргондо Өмүрбек Текебаевдин 300дөн ашуун тарапташы митингге чыкты

Сотто Текебаев менен Маевский жолугушкан деп айтылган күндөрдө алардын телефондук сүйлөшүүлөрү жок болуп чыкты

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1022 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 906 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3584 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1085 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1775 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 677 0

Архив

Комментарийлер (3)

Nurbollot

2017-07-19 17:12:21

Сот эмес пот экенго

pixduel1

2017-07-19 20:42:14

Мынча бул сот бутпой койду! Же кубо келбей калат, башка кунго калтырылат,же узгултуко учурайт?! Куноосу болсо камалсын же кое беришсин тантырап айдан айга, жылдан жалга узартпай! Надоела уже!!!

Gulnyr19

2017-07-20 00:09:52

Сериал болуп кеттиго биягы

Комментарий калтыруу үчүн өз ысымыңыз менен кириңиз же каттоодон өтүңүз.