Текебаев менен Чотоновдун сотун караган сотко 14-жолу ишенбөөчүлүк көрсөтүлдү

Бүгүн, 27-июлда Өмүрбек Текебаев менен Дүйшөнкул Чотоновдун сотунун кезектеги соттук отуруму орун алып, анда соттолуучулар төраганын чечимине нааразы болгондуктан, аларды сот залдан чыгарып салган болчу. Мындан улам сот Айбек Эрнис уулу өзүнө келтирилген ишенбөөчүлүккө негиз жок экендигин айтып, ишти соттолуучуларсыз өтө берүү тууралуу чечимин окуп, отурумду улантты.

Чотоновдун жактоочусу Бактыбек Жумашов башка соттук иш боюнча соту болорун айтып, залдан чыгып кетти. Андан соң Чотоновдун экинчи жактоочусу Марат Эшперов тергөөдө мыйзам бузууларга жол берилгендиктен материалдар кайра тергөөгө жөнөтүлүшү керектигин айтты.

"Текебаев менен Чотоновдун ишин иликтеген УКМКнын тергөө кызматы тарабынан мыйзамдар одоно түрдө бузулган. Мисалы, УКМКнын Тергөө башкармалыгынын башчысы Нурлан Мусаканов түзүлгөн тергөө тобун жетектеп, Текебаев менен Чотоновдун тергөө иштерине түздөн-түз катышкан. Анын башкармалыктын жетекчиси экенин эске алганда, тергөө тобун жетектөөгө укугу жок болчу. Мусакановдун аракеттери жазык процессуалдык кодексинин бир нече беренелерине каршы келет. Ошондуктан материалды кайра башынан тергеп чыгууга жөнөтүүңүздү өтүнөм", - деди. Нөөмөттөгү жактоочу кесиптешин колдоду.

Сот кайрадан чечим чыгаруу бөлмөсүнө барып келип, материалды кайра тергөөгө жөнөтүүгө негиз жоктугун айтып, жактоочунун өтүнүчүн канааттандырган жок.

Соттун бул аракетине нааразыланган жактоочу Эшперов Айбек Эрнис уулуна ишенбөөчүлүк жарыялады.
Сот өзүнө келтирилген ишенбөөчүлүк боюнча чечимди 14:00дө окуй турганын айтып тыныгуу жарыялады.
Белгилей кетсек, Текебаев менен Чотоновдун ишин караган сот Айбек Эрнис уулуна ушуну менен 14-жолу ишенбөөчүлүк көрсөтүлдү. Буга чейинки ишенбөөчүлүктөрдүн бири да канааттандырылган эмес.

Автор: Илязбек Балташев
Фото: Илязбек Балташев

12:13 27-07-2017

Жазылуу

Тектеш кабарлар:

Өмүрбек Текебаев сотко: "Алмазбек Атамбаевди күбө катары соттук отурумга чакырыңыз"

Текебаевдин жактоочусу сотто Маевскийдин жоопкерчилигин кароо өтүнүчүн келтирди

Сот Өмүрбек Текебаевге топтолгон 30 миңден ашык колду жараксыз деп тапты

Өмүрбек Текебаев менен Дүйшөнкул Чотоновдун кезектеги соттук отуруму башталды

Сотто Текебаевдин жүрөк оорусу кармап калып, "Тез жардам" кызматы чакырылды

Текебаев менен Чотоновдун сотуна Жогорку Кеңештин депутаттары киргизилген жок

Текебаев сотто эмне үчүн 2010-жылы шайлоо алдында Москвада анын маанайы түшкөнүн айтып берди

Сот Текебаевдин өзүнө карата көрсөтүлгөн ишенбөөчүлүк өтүнүчүн канааттандырган жок (аудио)

Өмүрбек Текебаев сот отурумун кыргыз тилинде өткөрүүнү талап кылды

Текебаевдин сотунда негизги күбө Алексей Модин жанында алып жүргөн 300 миң доллар кайсы түстөгү баштыкта болгонун эстей албады

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1022 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 906 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3584 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1085 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1775 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 677 0

Архив

Комментарийлер (7)

kechirmeni

2017-07-27 12:17:49

"Жакшы сотко бир ишенбоочулук коп, жаман сотко мин ишенбоочулук да аз". Жаны кыргыз макалы

General.kg

2017-07-27 12:18:04

Текебаевтин соту "аншлак" менен өтүп калдыгоо! Эл аралык сотко кайрылып эле утуп чыкпаса баарибир соттолот!!!

tynara81

2017-07-27 14:51:54

General.kg,кошулам. Сотко келтирилген өтүнүчтөргө, ишенбөөчүлүктөргө, сунуштарга чот кандай чечим кабыл алаары карапайым калкка деле белгилүү болуп калды го. Дагы эле убара болуп өтүнүч, сунуш, ишенбөөчүлүк көрсөтүп убара болбой койсо деле болчудай. Эл аралык сотто гана утпаса, булар толтура мыйзам бузуулар менен соттоп жатышат.

CEO

2017-07-27 12:22:50

Сот иши ушунчалык ыплас, адилетсиз отуп жаткан сон, эркенки шайлоо таза отоорунон азыр эле умут узуп коюш керек болуп калды......

kechirmeni

2017-07-27 12:29:14

Бироого ор казсан озун тушосун деген элибизде, мейли каза беришсин оздору тушот

OAN

2017-07-27 12:40:41

бул бийлик качан кетет деп отура бериш болбой калды корунот,административтик ресурс колдонуп мураскорун отургузуп кетет, кайра эле ушу корунуш кайталанат, чыдамым кетти, ойгонгула кыргыз элим, Кыргыз сырттан келген душманды кечириши мумкун, а оздон чыкканда кечирген эмес, мен Текебаевти колдойм, жакында акыйкат болбосо жарылатго эл.Супер инфонун журналисти жакшы суроо берди эле,кордукго даражасын.Аллах бар тободон чабатго уятсыздарды. Особенно бироону.

Rifle_I

2017-07-27 13:22:53

Бул жерде Текебаевге бут тосуу болуп жатат. Эптеп сүйрөп отуруп президенттик шайлоого катыштырбаса, андан кийинкиси баары бир.
Мыйзам негизи карапайым элге гана иштейт. Бул жерде президенттин бир сөзү да. Соттолсун десе ушундай мыйзам бузуулар менен соттолот.

Комментарий калтыруу үчүн өз ысымыңыз менен кириңиз же каттоодон өтүңүз.