Бишкек жана Чүйдүн айрым жерлеринде электр жарыгы өчүрүлөт

22-майда саат 9:00дөн 17:00гө чейин Бишкектин Асанбай кичи районундагы №13-19-көп кабаттуу үйлөрдө, Лермонтов, Ворошилов көчөлөрүндө, Логвиненко көчөсүндөгү №37-көп кабаттуу үйдө, Панфилов көчөсүндөгү №164-үйдө электр жарыгы өчүрүлөт. Ошондой эле Аламүдүн районундагы Виноградное айылында, Кемин районуна караштуу Алмалуу айылынын Манас көчөсүндө, Ак-Түз айылынын Чыгыш көчөсүндө да электр энергиясы үзгүлтүккө учурайт. Бул тууралуу “Түндүк электр” ишканасынын басма сөз кызматы маалымдады. Аталган аймактардагы электр энергиясынын өчүрүлүшү тийиштүү көмөк чордондорду оңдоо иштерине байланыштуу болот.

Автор: Ширин Турдакунова