Бишкекке Өзбекстандын премьер-министри Абдулла Арипов учуп келди

Бүгүн, 16-августта Бишкекке иш сапары менен Өзбекстандын премьер-министри Абдулла Арипов учуп келди. Аны "Манас" аэропортунан өкмөт башчы Сооронбай Жээнбеков тосуп алганын өкмөттүк аппараттан кабарлашты.

Бүгүн Кыргыз Республикасы менен Өзбекстан Республикасынын эки тараптуу кызматташуусу боюнча өкмөттөр аралык комиссиясынын жыйыны жана эки өлкөнүн ортосунда мамлекеттик чек араны делимитациялоо жана демаркациялоо боюнча өкмөттөр аралык комиссиянын жыйыны өтөт. Жыйындын алкагында өкмөт башчылардын тар чөйрөдөгү жолугушуусу күтүлүүдө.