Тышкы иштер министри Эрлан Абдылдаев Астанада өткөн экономикалык форумга катышты

Тышкы иштер министри Эрлан Абдылдаев 22-23-май күндөрү Астана шаарында өткөн экономикалык форумга катышты. Аталган өлкөгө болгон сапарында Э.Абдылдаев Казакстандын Тышкы иштер министри Е.Идрисов менен жолугушуп, кыргыз-казак кызматташтыгы, эл аралык жана аймактык уюмдардын алкагында эки өлкөнүн тыгыз байланышы тууралуу талкуу болду. Ошондой эле алар ЖККУ менен ШКУнун Кыргызстанда өтө турган саммиттерине басым жасашты. Тараптар эки өлкөнүн шериктештигин ар тараптан өнүктүрүү боюнча кызматташтыкты улантууга болгон бекем тилектерин ырасташты.

Автор: Ширин Турдакунова