Бишкек менен Чүйдүн айрым жерлеринде электр жарыгы өчүрүлөт

Бүгүн, 24-майда саат 9:00дөн 17:00гө чейин Бишкектеги Мурас-Ордо, Жеңиш конуштарында, Элебесов, Яблочный, Иртыш жана Туюкская көчөлөрүндө электр энергиясы өчүрүлөт. Ушул эле убакытта Аламүдүн районундагы Озёрное, Теңдик, Лесхоз, Степное, Достук, Мраморное, Рассвет айылдарында, Маевка айылынын Чыгыш, Жаш Гвардия, Сельская, Строительная көчөлөрүндө, Ленинское айылынын ПМК-3 жана ӨКМ райондорунда, Мыкан айылынын Линейная көчөсүндө, Жайыл районуна караштуу Ийри-Суу жана Жайыл айылдарынын борбордук көчөлөрүндө электр энергиясы үзгүлтүккө учурайт. Электр энергиясынын өчүрүлүшү “Түндүк электр” ишканасына караштуу тийиштүү көмөк чордондорду оңдоо иштерине байланыштуу болмокчу.

Автор: Ширин Турдакунова