Мамтил комиссиясы: "Орус тилинин макамы 1 депутаттын сунушу менен мамлекеттик болуп өзгөртүлбөйт"

Жогорку Кеңештин 12-сентябрдагы жыйынында депутат Ирина Карамушкина орус тилине мамлекеттик деген макам берүүнү сунуштаган. Муну ал кыргыз тилин билбегендер мамлекеттик кызматка ишке кирерде айрым тоскоолдуктарга туш болуп жатканы менен түшүндүргөн.

Мамлекеттик тил комиссиясынын төрагасынын орун басары Медербек Аким уулу тилдерди бири-бирине каршы койбоо керектигин белгилеп, макам бир депутаттын сунушу менен берилбей турганын айтты.

"Депутат Ирина Карамушкина Конституциялык укугун пайдаланып өз оюн айтты. Мамлекеттик макам Конституция менен берилет. Конституция жалпы элдик референдум аркылуу өзгөртүлөт. Макам берүү бир депутаттын же бир топ адамдын колунан келбейт. Расмий тил жөнүндө жана мамлекеттик тил жөнүндө өзүнчө мыйзам бар", - деди ал.

Анын билдиришинче, 2016-жылы кабыл алынган "Мамлекеттик жарандык жана муниципалдык кызмат" тууралуу мыйзамда квалификациялык талаптар бар. Анда мамлекеттик кызматта иштегендер кызматтык ишти жүзөгө ашыруу үчүн зарыл болгон көлөмдө мамлекеттик тилди билүү ченемдери каралган.

"Азыр биз мамлекеттик, расмий жана БУУнун 1 расмий тилин билген жаңы муунду өстүрөлү деп жатабыз. Орус тили - Пушкиндин тили аны билген жакшы, англис тилин билгендик андан жакшы. Тилдерди бири-бирине каршы койгон туура эмес. Мыйзамда кыргыз тили кыргыздар үчүн гана деп айтылган эмес. Биз Кыргыздын жараны катары кыргыз тилин билүүгө милдеттүүбүз. Бул улуттук иденттүүлүккө алып келет", - деп кошумчалады.

Орус тили Кыргыз Республикасында расмий тил болуп саналат. Макамы боюнча расмий тил мамлекеттик тил болгон кыргыз тилинен төмөн турат. Ошондой эле Казакстанда, Өзбекстанда (ЖААК бөлүмдөрүндө), Тажикстанда (мыйзам жазууда), Абхазияда жана Украина, Румыния, Молдовиянын айрым аймактарында документтер орус тилинде жүргүзүлөт. Ал эми Орусияда, Беларусь Республикасында, Түштүк Осетияда мамлекеттик жана расмий тил болуп эсептелет. Мындан сырткары орус тили БУУ, ЖККУ, КМШ, ШКУ өңдүү эл аралык уюмдарда расмий тил болуп эсептелет.

Автор: Айпери Ганыжан кызы

16:33 13-09-2017

Жазылуу

РУБРИКАДАГЫ СОҢКУ КАБАРЛАР

09:53 2025-06-28 | Түркүн дүйнө

Amazon компаниясынын негиздөөчүсү Жефф Безос үйлөндү 105 0

09:33 2025-06-28 | Коом жана турмуш

Такыр-Төр көлүнүн жырылышына байланыштуу кошумча маалымат берилди 317 0

09:21 2025-06-28 | Саясат

Президент Садыр Жапаровдун Беларуска болгон иш сапары аяктады 192 0

23:44 2025-06-27 | Коом жана турмуш

28-июнга карата аба ырайы 577 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 2606 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1692 0

Архив

Комментарийлер (11)

Lekarstvosvoegomuja

2017-09-13 17:00:42

Журокту оордуна келтирген кабар экен.

isabek1977

2017-09-13 21:00:59

Lekarstvosvoegomuja,Салижан Жигитов агабыз айткандай кыргызга орусча айтпасан тушунбойт дегендей биринчи кыргыздар эне тилибизди барктап озубуз суйлошубуз керек.Башка улуттар эч качан кыргыз тилибизге куйбойт.

Nendi15

2017-09-13 17:05:08

Ээ урдум ушул Карамушкинаны

+11

Nendi15

2017-09-13 17:06:22

Акча десе апасында атасында кошуп саткандарды урдум

Hadyja

2017-09-13 17:44:58

Ухххх,ушинтсенер кичине.Карамушкина катуу кетти.Мандатынан ажыратыыш керек негизи.Партиясыз шайлоо болгондо,муну эч ким шайлабайт болчу

Nazar76

2017-09-13 18:15:12

Карамушкина ХХХХ деп койбоптурда

kyrgyz-patriotu

2017-09-13 20:50:07

Биз эн биринчи эне тилибиз кыргыз тилин жакшылап уйронуп алалы. Орус тили каяктан?! Мекендештер эне тилди сыйлайлы, барктайлы жана нукура кыргыз тилинде суйлошолу. Кагаз жузундо кыргызча жазылып, кочодо, маршруткада орусча суйлошпой эле коёлу. Орусча суйлосок шаардык жетишкен болуп калбайбыз. Кыргыз - тили менен кыргыз.

Erlaha

2017-09-13 21:59:23

kyrgyz-patriotu,туура айтасын Улут тили менен улут Озбекче эмес Оручса эмес Кыргызча суйлойлу туугандар!!

312kyrgyzstan

2017-09-13 23:02:44

Башталды уже. Вася министр болду. Эми орустарга кыргызча суйлодун деп эле камап салбаса... Кудай сактасын

jbolotov

2017-09-14 00:23:06

Ушул киши оз эне тилине куйобербейт окшойт, орус тили Пушкиндин тили дейтко, билсен Пушкиндин тили менен суйлогондор Кыргыз элин 1916 жылы тукум курут кылышмак болгон.

Anjela98

2017-09-14 10:03:57

Башка тилди уйронуу бул эн жакшы,бирок оз эне тилин кыргыз тилин билбөө бул эн маскарапоздук!Андай болушуна жол бербейбиз!Аесыз деле көпчүлүгүбүз кыргызча аз сүйлөп бара жатабыз!

Комментарий калтыруу үчүн өз ысымыңыз менен кириңиз же каттоодон өтүңүз.