Нарын. Мэрия алдынкы мектеп окуучуларын стипендия менен сыйлады

25-майда Нарын шаарындагы бардык орто мектептерде Акыркы коңгуроо аземи болуп өттү.

Майрамдык иш-чараларга шаар башчысы Баатырбек Жээналиев катышып, окуудагы эң мыкты жетишкендиктерди көрсөткөн, коомдук иштерге активдүү катышкан окуучуларга шаардык мэриянын стипендиясын тапшырды. Мэрдин стипендиясына шаардагы 8 орто мектептин 59 окуучусу ээ болуп, жергиликтүү бюджеттен 76 миң сом акча каражат жумшалганын билдирет мэриянын басма сөз кызматы. Салтанаттуу кече концерттик программалар менен коштолду.

Автор: Гүлжан Асанкожоева