Өлкөдө Чыңгыз Айтматов атындагы мамлекеттик сыйлык түзүү сунушталууда

Жогорку Кеңештин депутаттары Чыңгыз Айтматов атындагы мамлекеттик сыйлыкты түзүүнү сунушташууда. Тийиштүү мыйзам долбоору бүгүн, 27-сентябрда коомдук талкууга коюлду.

“Чыңгыз Айтматов” медалы менен маданият, агартуу, илим, адабият жана искусство жаатындагы жарандар сыйланат. Ошондой эле бул сыйлыкты ар түрдүү маданий, диний салттарды тутунган улуттар менен элдердин маданий мурастарын иликтөөгө жана сактоого, маданияттарын жакындаштырууга, өз ара байытууга салым кошкондор ала алышат. Мындан тышкары тынчтыкты жана достукту, мамлекеттер ортосундагы руханий байланыштарды өнүктүргөндөр да сыйлыкты алышат.

"ЮНЕСКОнун маалыматы боюнча, Айтматов ХХ кылымдагы эң окумдуу жана чыгармалары көп басылып чыккан жазуучулардын бири болуп саналат. Өзүнүн чыгармалары, кайталангыс чыгармачылыгы жана эл аралык коомдук ишмердиги менен Айтматов дүйнөлүк адабиятты, искусствону өнүктүрүүгө, тынчтыкты жана достукту бекемдөөгө, мамлекеттердин ортосундагы руханий байланышты чыңдоого чоң салым кошкон", - дешет демилгечи депутаттар.

Мыйзам долбоорунун демилгечилери "Ата Мекен" фракциясынын депутаттары Каныбек Иманалиев, Садык Шер-Нияз, Эмил Токтошев, "Бир Бол" фракциясынан депутат Жаныбек Бакчиев.

Автор: Жылдыз Джускембаева

18:13 27-09-2017

Жазылуу

РУБРИКАДАГЫ СОҢКУ КАБАРЛАР

08:05 2025-07-15 | Кылмыштар, кырсыктар

Ысык-Көлдө 7 жаштагы өспүрүмдү скутер менен сүзүп алган жаран кармалды 4 0

00:27 2025-07-15 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 5256 0

00:26 2025-07-15 | Түркүн дүйнө

Ташкентте машинасына тирүү балыктар менен "тюнинг" жасаган айдоочу айыпка жыгылды (видео) 1177 0

00:11 2025-07-15 | Түркүн дүйнө

"Реал Мадриддин" жылдызы карьерасын италиялык клубда улантат 544 0

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 933 0

23:51 2025-07-14 | Коом жана турмуш

15-июлга карата аба ырайы 372 0

Архив

Комментарийлер (4)

friendwipkg

2017-09-27 18:22:47

Иштебей эле сыйлык ала бересиңерби?

Adil706070

2017-09-27 18:25:04

Улуу жазуучунун атын булгабай эле коюшса болмок.
Антпесе эртен эле акчага Ч.Айтматовдун дагы наамдары сатылып жургонуно кубо болуп калышыбыз мумкун .эмгек синирген наамды алган ырчы,чоорчу сыяктуулардай болуп.

UEFA-FIFA

2017-09-27 18:31:51

Тажатты ушу шалтурук, ыплас бийлик. Ал сыйлыкты эмне коррупцияны гүлдөткөн үчүн аласыңарбы? Жүзү жок жеп жутарлар.

shankol88

2017-09-27 18:47:10

Ушу бийлигиңер карыз кылып түгөтмөй болду.Ч.А.саясатка аралаштырбагылачы

Комментарий калтыруу үчүн өз ысымыңыз менен кириңиз же каттоодон өтүңүз.