Өлкөнүн аймактарында кар жаады. Кыргыздар кардын эрте жаашын "кыш бала салып койду" деп айтчу, андайда кыштын жылуу болушу күтүлөт (фото)

Чүй. Арашан айылы

Талас

Талас облусунда жааган кар

Өлкө аймагынын айрым жерлеринде 29-сентябрдан 30-сентябрга караган түнү кар жаады. Кардын эрте жаашы, ошондой эле күз мезгилинде күндүн жылуу болушу эмнеден кабар берет? Мындай учурларды кыргыздар айдын чыгышына, мезгилдин жүрүшүнө карап болжоп келишкен.

Кардын эрте жаашы, күздүн көпкө созулушу туурасында коомдук ишмер Эмилбек Каптагаев өз оюн билдирди.

"Биз бала кезибизде айыл жеринде аксакалдар сентябрдын аяк чени, октябрдын башында кардын кыламык жаашын кыш бала салып койду деп айтчу эле. Ал дегени алдыда боло турган кыштын жылуу болушун болжоп айтканы. Ошол эле учурда күз мезгили көпкө созулуп, жылуу тартып кыш кечиксе күздүн моюну узарды, кыштын мөөнөтү созула турган болду деп болжоп келишчү. Чындыгында аксакалдардын айткандары дал келип кыш жылуу, жаз кеч келген учурлары болгон", - деп билдирди Каптагаев.

Мындай учурларды жыл санагына карап аба ырайын алдын-ала айтуучулар жөн гана аба ырайынын муздашы, мезгилдик алмашуу деп сыпаттаарын айтышты. Кыргызгидромет агенттиги бүгүнкү шартта мезгилдик аба ырайын болжоп айта албастыгын кошумчалады.

Жаратылыштын мезгилдерин эл арасында түрдүү болжол менен айтып келишкен. Тактап айтканда, күздүн күнү күн күркүрөбөйт, күн күркүрөсө күз узакка созулат, ал эми кыш чилдесинде жаан жаабайт, жааса кыш оор болот. Күн батарда кызарып батканын эртеңки күн ачык болот деп билип, ошол эле учурда жаңырган айдын чалкалап жатышын кургакчыл, тикелей жайгашуусун жаанчыл ай болот деп болжоп айтышкан.

Ал эми жазуучу Асан Жакшылыков жаратылыштын 4 мезгили адамзаттын оң жана терс жүрүм-турумуна, карманган пейилине жараша болорун айтты.

Автор: Акназар Сулайманкулов
Фото: Нурсултан Курманбеков

14:29 30-09-2017

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 587 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 504 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 1058 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 469 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 864 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 809 0

Архив

Комментарийлер (12)

AzKumFerDan

2017-09-30 14:34:12

Вау карды

isabek1977

2017-09-30 18:04:06

AzKumFerDan,Арстанбек Алайды шайласак эле Кыргызстанда зима не будет.

Isco23

2017-09-30 18:11:28

isabek1977,ай чалкаласа жаанчыл болот тике турса кургакчыл болот,откондо жанырганда тике турду эми октябрь кургакчыл болот буйруса,Каптагаев брат не адашып атат,

Ma9

2017-09-30 15:01:12

жылуу эле болсунчу

nur8777

2017-09-30 15:09:57

Эмнеси болсо да ар бирибиздин уйубуздо,отун суубуз болсун. Ден соолук чын,кыргыз элим аман болсун.

+13

ALATOOLUK.JIGIT

2017-09-30 15:27:00

Ай чалкаласа жаанчыл,тике турса кургакчыл дешет адаштырба.

TRAMPAM

2017-09-30 15:29:23

Кышты сагындым. Таза аба, кооздук. Бирок быйыл отук жок сатып алыш керек эле кайналы как менен жангак сатылса

TRAMPAM

2017-09-30 15:30:41

Зима не будет брат каякта, үн катпайт го Дастан тагам экоосу

nuriwka

2017-09-30 15:57:21

еееее куз жылуу эле болсо экен. абаырайна карата менде жылуу кийим жок((((

zzari-83

2017-09-30 16:39:27

Каап ,элдер эгин тегинин жыйып алганча жаабай турса жакшыле.Бул да болсо Кудайдын окуму.Карасууда жаабай турсун эми,бизде пахталар жыйыла элек али.

kychan.98

2017-09-30 17:30:47

Арстан Алайдан сураш керек

enka

2017-09-30 19:37:17

Кыштын кыштай болгону жакшы)) жаны жылды какыраган карандай суукта тоскондон коро

Комментарий калтыруу үчүн өз ысымыңыз менен кириңиз же каттоодон өтүңүз.