Каржы министри Ольга Лаврова: "Чет жердеги кыргыздарды колдоого бюджеттен акча бөлүнгөн эмес"

2013-жылга карата чет өлкөдөгү жарандарды колдоого Эмгек, миграция жана жаштар министрлиги тарабынан 2 миллион 700 миң сом бөлүнгөн. Бул тууралуу каржы министри Ольга Лаврова бүгүн, 28-майда ЖКнын Социалдык саясат боюнча комитетинин жыйынында билдирди. “Бул каражаттардын көпчүлүгү каза болгон жарандардын сөөгүн Кыргызстанга алып келүү үчүн сарпталат”,- деди министр. Айтымында, башка иш-чараларды уюштуруу үчүн бюджеттен эч кандай каражат бөлүнгөн эмес. Белгилей кетсек, комитеттин жыйынында чет жердеги кыргыздарды колдоо маселеси каралууда.

Автор: Ширин Жумадилова