Министр: "Өлкө боюнча жер көчкү жүрө турган кооптуу аймактарда жашаган 4409 кожолукту көчүрүү муктаждыгы бар"

Премьер-министр Сапар Исаковдун катышуусунда бүгүн, 4-октябрда жаратылыш кырсыктарына кабылган кооптуу аймактарда жашаган калкты тез арада көчүрүү маселеси боюнча селектордук жыйын өттү. Бул тууралуу өкмөттүн басма сөз кызматы билдирди.

Өкмөт башчы ушул жылы Ош облусунун Чоң-Алай жана Өзгөн райондорунда катталган жаратылыш кырсыктары жана андан адам өмүрүнө зыян келген фактыларды эске алуу менен маселенин маанилүүлүгүн баса белгиледи.

Өзгөчө кырдаалдар министри Кубатбек Бороновдун маалыматында, мурдагы жылга салыштырмалуу 2016-2017-жылдагы күз-кыш мезгилинде жаан-чачындын көп болушунан улам өлкөнүн тоолуу аймактарында жашаган жергиликтүү тургундар үчүн катаал абал түзүлдү.

Ушул жылдын сегиз айында жүргүзүлгөн иликтөөлөргө караганда республика боюнча 1774 кооптуу аймак иликтенип чыккан. 2017-жылы жарандарды кооптуу аймактарга көчүрүү боюнча жүргүзүлгөн иш-чаралардын жыйынтыгында 1587 үй-бүлө коопсуз жайга көчүрүлүп, жыйынтыгында 10 000 адамдын өмүрүн сактап калууга мүмкүнчүлүк түзүлдү.

Бүгүнкү күндө республика боюнча жер көчкү жүрө турган кооптуу аймактарда жашаган 4409 кожолукту көчүрүү муктаждыгы бар. Бул үчүн инфраструктураны эске албаганда болжол менен 353 гектар жер керек.

Кубатбек Боронов жылдын аягына чейин биринчи кезекте көчкү түшүү коркунучу бар аймактардагы жарандарды көчүрүү керектигин баса белгиледи. Бул багытта аткарылган иш-чаралар боюнча Өкмөттүн аймактардагы ыйгарым укуктуу өкүлдөрү жана алардын орун басарлары маалымат беришти.

Өкмөт башчы тиешелүү мамлекеттик органдардын жетекчилери аталган маселе боюнча чечкиндүү чараларды көрүшү керектигин дагы бир ирет баса белгиледи.

Автор: Айпери Ганыжан кызы

18:31 04-10-2017

Жазылуу

РУБРИКАДАГЫ СОҢКУ КАБАРЛАР

15:38 2025-07-15 | Коом жана турмуш

Эртеңки күнгө карата аба ырайы 101 0

15:29 2025-07-15 | Кылмыштар, кырсыктар

Президенттин тууганын айтып... "Памир-Строй" курулуш компаниясынын ээси кармалды 278 0

15:22 2025-07-15 | Түркүн дүйнө

Орусиянын жараны эки кичинекей баласы менен Индиядагы үңкүрдөн табылды 542 0

15:20 2025-07-15 | Түркүн дүйнө

Казанда балыкчылар 79 килограмм салмактагы алп балык кармашты 328 0

15:18 2025-07-15 | Кылмыштар, кырсыктар

Кыргыз-Орус Славян университетиндеги 12 студент окуудан чыгарылды 220 0

15:09 2025-07-15 | Бизнес-Инфо

Жайдын жарымы артта калды – Ысык-Көлдөн эң сонун көз ирмемдерди О! менен бирге өткөргөнгө жетишиңиз 102 0

Архив

Комментарийлер (1)

nematovich.90

2017-10-04 19:20:13

Ошол окмоттогулор участок бергенде ойлонуп берсенер болбойбу канча жерлер турса келип келип каяктагы тоонун боорунан же адыр талаага кочуруп бересинер кыргыз элин ойлобой анан сатасынар жерлерди. Анан жер кочку журсо ии жаман болду деп конул айтып, ошону эртерээк ойлонгулачы

Комментарий калтыруу үчүн өз ысымыңыз менен кириңиз же каттоодон өтүңүз.