УКМКнын мурдагы кызматкери: "Коррупция менен күрөшүү, кызматтык кылмыштарды тергөө УКМКнын иши эмес"

Бүгүн, 9-октябрда Бишкекте "Карамагында улуттук коопсуздук маселелери болгон мамлекеттик органды реформалоонун негизги идеялары" деген аталыштагы жыйын өтүүдө. Анда УКМКны саясаттан четтетүү боюнча жыйынга саясатчылар, жарандык активисттер катышууда.

Улуттук коопсуздук мамлекеттик комитетинин төрагасынын мурдагы орун басары Марат Иманкулов коопсуздук кызматын саясаттан четтетүүнүн жолдорун айтты.

"Коррупция менен күрөшүү, кызматтык кылмыштарды тергөө сыяктуу ИИМдин, башка органдардын милдеттерин кайталаган функцияларды алып салуу шарт. Коррупция менен күрөшүү, кызматтык кылмыштарды тергөө УКМКнын иши эмес. Коопсуздук кызматын саясаттан ажыратуунун жолу бар. Бул үчүн УКМКнын чалгындоо жана контр чалгындоо милдеттеринен башка функцияларын кыскартып салышы керек", - деди Иманкулов.

Ал ансыз да коопсуздук кызматында толгон милдеттер жүктөлгөнүн айтып, бүгүн УКМК негизги милдеттерин унутта калтырып жатканын айтты.

"Коопсуздукту камсыздоо көп тармактуу иш, контр чалгындоонун ичинде террорчулук, тыңчылык, башка мамлекеттин чалгындоочуларынын бизде болуп жаткан иштерин бууп токтотуу сыяктуу иштердин баары калып калбадыбы азыр. Учурда ошол иштерге жумшала турган күчтөрдүн баары саясий иштерге иштеп жатат. Коркунучтардын баары сыртта жатат. Туура эмес саясаттын натыйжасында жасалма коркунучтарды түзүп алып, өзүбүз менен өзүбүз кайнап жатабыз", - деп кошумчалады Иманкулов.

Автор: Мунарбек Жоргомов

13:07 09-10-2017

Жазылуу

РУБРИКАДАГЫ СОҢКУ КАБАРЛАР

08:05 2025-07-15 | Кылмыштар, кырсыктар

Ысык-Көлдө 7 жаштагы өспүрүмдү скутер менен сүзүп алган жаран кармалды 4 0

00:27 2025-07-15 | Коом жана турмуш

218 миң сомго чейин... Быйыл ЖОЖдордо окуу акысы канча? Тизме 5256 0

00:26 2025-07-15 | Түркүн дүйнө

Ташкентте машинасына тирүү балыктар менен "тюнинг" жасаган айдоочу айыпка жыгылды (видео) 1177 0

00:11 2025-07-15 | Түркүн дүйнө

"Реал Мадриддин" жылдызы карьерасын италиялык клубда улантат 544 0

23:57 2025-07-14 | Түркүн дүйнө

Трамп Армения менен Азербайжандын ортосундагы талаш-тартыштар боюнча пикирин айтты 933 0

23:51 2025-07-14 | Коом жана турмуш

15-июлга карата аба ырайы 372 0

Архив

Комментарийлер (4)

Isco22

2017-10-09 13:29:43

Уят да уят жалбырак да жерге тушот,

tatynam_88

2017-10-09 13:32:37

Биздин иш атамбаевке каршы чыккандарды.кучтуу.билимдуу.аброцлууоарды камоо.тутуу.олтуруу дебептир.уяты жоктор

ajdaaar

2017-10-09 13:54:48

Туура айтат... Атамбаев ИИМ, УКМК, Баш прокуратурага оз адамдарын койгондо эле айтканбыз, Атамбаев оз бийлигин коргоо учун жансакчы, шофер ж.б. жооптуу кызматтарга коюп жатат деп....

Мына эми даана айкын болду, Атамбаев эинеге оз адаидарын жооптуу кызматтарга койгону....

ajdaaar

2017-10-09 14:01:02

Башкасын коюп Садыр Жапаровду кармоо, камоо иши УКМКга жуктолгону тушунуксуз... Садыр Жапаров террорист же Батукаевдей кылмышкер беле, УКМК кармагыдай?!! Батукаевди болсо бийлик озу бошотподу беле?!! Кыскасы ууру-каракчылар боштондукта, эл учун куйгон азаматтар турмодо болгон заманга жеттик Атамбаев доорунда.....

Комментарий калтыруу үчүн өз ысымыңыз менен кириңиз же каттоодон өтүңүз.