Кирүү

СУПЕРСТАН: "Эркектин кызганычын козгогон биринчи нерсе - аялдардын бардык эркектерге жаккысы келгендиги"

SUPER.KG порталынын "Суперстан" бөлүмүндө "Үй-бүлөдөгү кызганыч жана анын себептери" деген тема талкууга алынган.

Темадагы билдирүүлөрдөн:

"Эркек адам аялын суук кол, ач көздөн коргоо жана да сооп алуу ниетинде кызганса болот. Анан пейилин өзгөртүп, кол көтөрүп жинденген бул аша чапкандык. Бул нерсенин аягы жакшылык менен бүтпөйт. Сиз дагы жолдошуңуздун көңүлүн өзүңүзгө буруп, бир гана жолдошуңузга жасанып, боёнуп, жакшы мамиле кылсаңыз пейили өзгөрүшү мүмкүн"

"Эркектер аялдын сулуулугун биринчи орунга коюшат. Ошон үчүн сулуу аялды ийгиликтүү бизнестин, кымбат унаанын көркүнө көрк кошкон нерсе катары кабылдашат да мындай сулуу аялдын көп эркектерге жагарын билишет. Эркектин кызганычын козгогон биринчи нерсе - аялдардын бардык эркектерге жаккысы келгени. Муну эркек өзүн башкага алмаштыргысы келип жатат деп түшүнөт да, кызгана баштайт. Шекспир "Кызганыч - жүрөктү тыткан тырмактуу жырткыч" деген экен".

"Биз да, жолдошум экөөбүз бири-бирибизди аябай кызганабыз. Телефонумду күндө бир маал кирип, баарын териштирип турат. Кээде кызганчаактыгынын айынан былтыйып отуруп калсам кучактап эркелетип алдап-салдап сооротуп коёт. Анан акырын айтат "жалгызым сен болсоң кызганам да, кызгана тургандай сулуусуң" дейт. Ага деле көнбөй былтыя берсем шапалак даяр. Кызгануу менен бирге комплименттерди айтса, бул мага жагат. "Сен деле кызганасың го" десе, "кызганбайм мен" дейм да кайра эле кызгана берем. Анан сөгүп, бакырып-кыйкырып кызганганга себеп жок".

"Менин жолдошумдун кызганганын көрсөңөр, силердики бул жакта эле калат. "Өтүп кетет" деп жүрүп алты жыл өттү, кызганычы мага наркотиктей болуп калган. Сиз да көнүп каласыз, бирок кол көтөрүүгө жеткирбеңиз. Эркек эч убакта жөн эле кол көтөрбөйт, демек, тилиңизди тартыңыз же ал кандай кааласа ошондой кийинип, өзүңүздү ошондой алып жүрүңүз".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт