Бишкек шаарына спортчулар аллеясы салынат

Бишкекке спортчулар аллеясы салынат. Бул тууралуу бүгүн, 14-октябрда Бишкек шаардык мэриясынын маалымат кызматынан билдиришти.

Маалыматка ылайык, Бишкек шаарынын Апсамат Масалиев көчөсүндө бүгүн көчөттөр отургузулуп, аллеяга даярдалды. Иш-чарага шаар мэри Албек Ибраимов жана тургундар катышты. Мында 400 көчөт отургузулду. Көчөт отургузууда айыл чарба адистери катышып, туура отургузуу жолдорун көрсөттү.

"Аллеядагы көчөттөрдү суугаруу системи орнотулган. Келечекте бул жайда велосипед тебүүчүлөр үчүн жол салынмакчы. Аллеянын аянты 9240 чарчы метр аянтты түзөт. Анда 146 ийне жалбырактуу, 256 жалбырактуу көчөттөр отургузулду. Бишкек шаары боюнча жалпы 3 миң 855 даана көчөт отургузуу пландалууда", - деп билдирди басма сөз кызматы.

Автор: Акназар Сулайманкулов
Фото: Бишкек шаардык мэриянын басма сөз кызматы