БШКнын төрайымы айрым участкаларда автоматтык эсептөөчү урналарды алмаштырууга эмне себеп болгонун айтты

Кыргыз Республикасынын аймагында 4 шайлоо тилкесинде автоматтык эсептөөчү урналар стационардык урналарга алмаштырылды. Бул тууралуу Борбордук шайлоо комиссиясынын төрайымы Нуржан Шайлдабекова билдирди.

“Жалпысынан шайлоо тынч өтүп жатат. Буга чейин техникалык себептерден улам бир аз тоскоолдуктар болду, бирок тез арада жоюлду. 4 добуш берүү тилкесинде автоматтык эсептөөчү урналар стационардык урналарга алмаштырылды. Бул нерсенин себеби - 2 талапкер тизмеден чыгарылыш керек болчу. Мен бул урналарды алмаштыруу талаш жаратпайт деп ойлойм, анткени ал жерде байкоочулар көзөмөл кылууда. Бул нерсеге байкоочулар тарабынан каршылыктар болгон жок”, - деди Шайлдабекова.

Автор: Кенжебай Сатканалиев
Фото: Адилет Бектуров