Шайлдабекова: “Шайлоо башталгандан бери БШКга 129 чалуу келип түштү”

Борбордук шайлоо комиссиясынын ыкчам билдирүү кызматына 129 чалуу келип түштү. Бул тууралуу бүгүн, 15-октябрда БШКнын төрайымы Нуржан Шайлдабекова маалымат жыйынында билдирди.

Анын айтымында, түшкөн кайрылуулардын 25и кошумча тилкеге катталуу боюнча арыз болгон. “Алар башка жерлерге көчүрүлүп калганын айтышат. Биз аларга арыз менен кайрылууну сунуштадык. Бул боюнча текшерүү иши жүргүзүлөт. Азырынча 3 эле арыз түштү”, - деп билдирди.

Айта кетсек, бүгүн өлкөдө президенттик шайлоо өтүп жатат.

Автор: Жылдыз Джускембаева
Фото: Адилет Бектуров