Түрк тилдүү мамлекеттердин парламенттик ассамблеясынын байкоочулары шайлоодо мыйзам бузууларды байкабаганын айтышты

Түрк тилдүү мамлекеттердин парламенттик ассамблеясынын байкоочулары шайлоодо мыйзам бузууларды байкабаганын айтышты. Бул тууралуу алар бүгүн, 16-октябрдагы маалымат жыйында билдирди.

Түркиядан келген байкоочу Кийикилик Фейзюллах алдын ала жыйынтык боюнча көп добуш алган Сооронбай Жээнбековду куттуктай турганын белгиледи.

"Чолпон-Ата шаарындагы шайлоо тилкелерин кыдырып көрдүк. Шайлоо ачык, таза өттү. Жарандар өздөрү каалаган талапкерге добуш беришти. Шайлоо учурунда эреже бузуулар болгон жок. Биз Сооронбай Жээнбековду куттуктайбыз. 6 жылдагы ишине ийгиликтерди каалайбыз. Бул шайлоо кыргыз элине жакшылыктарды алып келсин. Түрк өлкөлөр ичинде достуктун артышын каалайбыз", - деди ал.

Автор: Жылдыз Джускембаева