ШКУнун баш катчысы шайлоо участкалары гимн аткарылып ачылганы өзгөчө сезим калтырганын айтты

Шанхай кызматташтык уюмунун баш катчысы Рашид Алимов шайлоо участкалары гимндин аткарылышы менен ачылганы өзгөчө сезим калтырганын айтты. Бул тууралуу ал бүгүн, 16-октябрдагы маалымат жыйында билдирди.

Анын айтымында, шайлоонун ачылышы салтанаттуу түрдө болду. "Жарандар шайлоого активдүү катышып жатышты. Биз шайлоо участкасындагы байкоочулар менен сүйлөштүк. Алар мыйзам бузуу болбогонун айтышты. Шайлоо тынч маанайда өттү", - деди.

Ал эми Орусиядан келген эл аралык байкоочу Михаил Козлов жарандар активдүү добуш бергенин белгилеп, шайлоочулар өз келечегине кайдыгер эмес экенин билдиргенин айтты.

Өзбекстандык эл аралык байкоочу Абдужан Хамракулов өлкөнүн түштүк тарабы активдүүлүгүн көрсөткөнүн билдирди.

Автор: Жылдыз Джускембаева