“Кыргызфильм” киностудиясы 2001-жылдан бери 64 тасма тарткан

Т.Океев атындагы “Кыргызфильм” киностудиясы 2001-жылдан 2012-жылга чейин кыска жана толук метраждуу тасмаларды, киножурналдарды кошкондо жалпы 64 тасманы жарыкка чыгарган. Бул тууралуу аталган киностудиядан билдиришти. Маалыматка ылайык, 2012-жылы 1 кыска метраждуу жана 1 толук метраждуу тасма тартылган. Ал эми 2001-жылдан 2012-жылга чейинки аралыкта ар кандай жанрдагы 48 тасма, башка тилдерден кыргызчага которулган 9 тасма жарык көргөн. Ошондой эле 2012-жылы 2 кыска метраждуу тасма жана башка тилден кыргызчага которулган 3 тасма жарыкка чыккан.

Автор: Ширин Турдакунова