СУПЕРСТАН: "Тоюбуз жакындаганда күйөөгө тийгим келбей калган, ал тургай качып кетүүнү пландагам"

SUPER.KG порталынын "Суперстан" бөлүмүндө "Үйлөнүү той алдындагы стресс" деген темада автор: "Той белгиленген же белгиленбесе да той жакын, баары ойдогудай. Сүйлөшүп жүргөн, көңүлүңдөгү адамың жаныңда. Ошол мезгилде ойлонуу, стресс, толкундоо, адашкан жокмунбу, ушул менин өмүрлүк жолдошумбу, шашкан жокмунбу, иши кылса ушул сыяктуу ойлор болду беле? Же орустар айтмакчы "той алдындагы стресс". Өзүнчө эле арсар болдуңуздар беле?" - деп суроо салган.

Темадагы билдирүүлөрдөн:

"Той алдында менде да болгон. Болбосо 5 жылдан ашык сүйлөшүп, тойду чыдамсыздык менен күткөнбүз. Арсар деле болгон эмесмин, болгону тийгим келбей калган. Жадакалса качып кетүүнү пландагам. Тойдон кийин дагы уланган "эмнеге тийдим, тийбей эле жүрсөм болмок" деп көп ыйлачумун. Кичине бир нерсе болсо "жашабайм" деп ыйлай берип 2 айдан ашканда анан көнө баштадым. Бул кээ биринде болот, кээ биринде болбойт, бирок нормалдуу эле көрүнүш".

"Мындай синдромдор кайсы жерде болбосун жөн койбойт го. А мен атам "жүр, чай ичебиз" десе деле эми мени эч ким минтип чакырбайт деп деле ыйлай бергем. Ошентип үч күн ыйлап жата бердим, акыры тойго эки күн калганда "бир аз тойдун атмосферасынан чыгып, ойноп-күлүп алаксып, көйнөгүңдү кийип той күнү кел" деп досторума кошуп кетирип жиберишкен".

"Элдерде тойго чейинки стресс болсо, менде тойдон кийинки стресс болгон".

"Ар бир кызда болсо керек. Мен да "туура эле кылып жатамбы? Жашап кете аламбы же мындан да жакшысы чыгабы?" деп ойлоно берчүмүн. Ойлоно берип арыктап да кеткем. "Кандай болот, эмне болот, кайын журтум кандай" деп кыжаалат болуп жатасың да. Мунун баары өтүп кетет. Эң негизгиси бактылуу болгула".

"Мен тойго чейин арыктап кеткем. Ойлоно берип тамак да өтпөй калган. Туура кылып жатамбы? Ошол адам менен жашап кете аламбы деген ойлор болот. Сүйлөшүп жүрүп баш кошсоң деле ар бир кызда болуучу нерсе".

"Мен урушкум келип, ыйлагым келип, жинди болуп жатам. Мурун турмушка чыксам укмуш келин болом, тигинтем, минтем дечүмүн, азыр жүдөмүш болгонум элестелет, тобо. Атымды катуураак айтса да таарынып, байкушту кыйнап жатам".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

16:11 29-10-2017

Жазылуу

РУБРИКАДАГЫ СОҢКУ КАБАРЛАР

22:04 2025-07-14 | Саясат

Жапаров мамлекеттик башкаруу академиясынын модернизациялоо пландары менен таанышты 5 0

21:37 2025-07-14 | Саясат

Жогорку Кеңешинин мурдагы депутаты Өмүрбек Абдрахманов дүйнөдөн кайтты 483 0

21:22 2025-07-14 | Түркүн дүйнө

Испанияда баасы бир бөлмөлүү батирге тете сыр сатылды 306 0

21:04 2025-07-14 | Спорт

Улуттук кураманын чабуулчусу Жоэл Кожо өзбекстандык клубга өтөт 285 0

20:35 2025-07-14 | Түркүн дүйнө

АКШ Украинага JASSM канаттуу ракеталарын берүү маселесин карап жатат 442 0

20:13 2025-07-14 | Саясат

Садыр Жапаров "Ала-Тоо Резорт" тоо-лыжа кластерин куруу боюнча жумушчу кеңешме өткөрдү 218 0

Архив

Комментарийлер (8)

aliko78

2017-10-29 16:33:11

Галдир экенсин.

Isco23

2017-10-29 16:44:15

aliko78,оа чындвп дупая))) элдер тийе албай журушот го куйоого,кайып жашоону корбой

kychan.98

2017-10-29 18:51:44

aliko78,акыркы замандын кыздары

Rulik

2017-10-29 20:04:12

Кысатурган жерди кысып тийе бергиле 5 жыл суйлошсонда бактылу болгула

Sarywka2017

2017-10-30 11:09:32

Мен азыр 21 жаштамын суйлошкон балдарым уйлонобуз десе эле качып кетем. Мурда 18 жашымда куйоого тийем дечуу элем, азыр кайдан дагы деле жаш кыздаймын. Атам мени аябай эркелетет чоноюп калсам деле. Кийин куоого тийсем эркелетпей калат деп короко берем.

-2

daniel87

2017-10-30 11:23:32

Ооба той алдындагы стресс эркек балдарда да болот мисалы менде болгон туура кылып жатамбы?бактылуу кыла аламбы кароче кандай болот деп дункко тушуп калгам,негизи той алдында уй булоо мучолору кичине болсо да ойлонушуп кыжаалат болот бирок тойдон кийин баары жакшы болуп кетет же.....

Nanei

2017-10-30 12:40:47

Менин жээним москвага качып кеткен. Бироолор кудалашып келген. Жигитим бар деп. Анан ацткандай эле жигитине тийди. Абдан жакшы бала. Бактылуу жашап жатышат.

Hotinhere123

2017-10-30 17:53:36

Менде мындай нерсени ойлогуча эле ала качып кеткен.ноябрда той мн алып кетем деп алып,сентябрда эле ала качып кетип калган.бактылуумун)))

Комментарий калтыруу үчүн өз ысымыңыз менен кириңиз же каттоодон өтүңүз.