Маданият министрлигине Түгөлбай Казаковдун ордуна Эльвира Сариева келиши мүмкүн

Кызматтан бошотулган Түгөлбай Казаковдун ордуна маданият, маалымат жана туризм министри болуп Эльвира Сариева келиши мүмкүн.

Бул тууралуу SUPER.KG`ге Жогорку Кеңештеги КСДП фракциясынан депутат Рыскелди Момбеков билдирди.

"Түгөлбай Казаковдун кызмат ордуна азыркы президенттик аппараттын башчысынын орун басары Эльвира Сариева келет деген маалымат менде бар", - деди Момбеков.

Белгилей кетсек, бүгүн, 28-октябрда президенттик аппараттын басма сөз кызматы Түгөлбай Казаков маданият, маалымат жана туризм министри кызматынан бошотулгандыгын кабарлаган.

Автор: Мунарбек Жоргомов