ЖЫЛНААМА, 28-ОКТЯБРЬ: Президентке тиешелүү бардык артыкчылыктардан баш тарткан Ирандын 6-президенти Махмуд Ахмадинежад бүгүн 61 жашка толду (кызыктуу фактылар)

Дүйнө жүзүнө өзүнүн жөнөкөйлүгү менен таанымал болгон азыркы учурда өзүнүн билимин жаштарга үйрөтүп, мугалимдик кесипти аркалап жаткан Иран өлкөсүнүн 6-президенти Махмуд Ахмадинежад 1956-жылы 28-октябрда карапайым устанын үй-бүлөсүндө жарык дүйнөгө келген.

1976-жылы Иран өлкөсүндөгү белгилүү Илим жана технология университетин аяктаган. Студент кезинде эле өз көз карашын ачык айткандыгы, максатына жете билгендиги менен курдаштарынан айырмаланып турган. 1980-жылы Ахмадинежад өз каалоосу менен Иран-Ирак согушуна барган. Согуштан келип, аскер кызматынан кеткен соң ал өзүнүн саясий карьерасын баштаган.

2003-жылы Тегеран шаарынын мэри болуп дайындалган. Шаар башчысы болуп турган мезгилде көптөгөн фаст-фуд сатуучу тез тамактануучу жайларды жапкан. Алардын ордун ирандык компаниялар ээлеген. Мамлекеттик ишканаларда иштеген эркек адамдарга жеңи узун көйнөк кийип жүрүүнү буйруп, сакалдарын алууга тыюу салган.

2005-жылдын июнь айында президенттик шайлоодо жеңишке жетип, мамлекет башчысы болот. 2009-жылдын 28-январында Ахмадинежад кайрадан экинчи жолу президенттик шайлоодо өз талапкерлигин көрсөтөрүн билдирген. Ошентип ал экинчи ирет өлкө башчысы болуп шайланган. 2013-жылы мөөнөтү бүткөндүгүнө байланыштуу президенттик кызматтан кетип мугалимдик кесибин уланткан.

Махмуд Ахмадинежад тууралуу кызыктуу фактылар:

Эң алгач президент болуп шайланып өзүнүн иш бөлмөсүнө киргенде жерде салынып турган кымбат баадагы килемдерди мечитке бердирип, алардын ордуна арзан баадагы килемдерди алдырган.
Өзүнүн мүлкү жөнүндө декларация толтурган мезгилде анын Пежо үлгүсүндөгү автоунаасы жана Тегерандын эң кедей аймагында атасынан калган үйү гана бар экени белгилүү болгон.
Дайыма өзү жашаган аймактагы көчө тазалап иштеген адамдарга таштанды тазалашып, көчө шыпырышып жардам берет.
Мейманканага жайгашкан мезгилде ага кичинекей бөлмө берүүсүн суранат, дайыма жука бир төшөк салып жерге жатары белгилүү.
Президенттик айлыктан баш тарткан, ал муну байлык акча элге гана таандык болуусу керектиги менен түшүндүргөн.
Университеттен алган 250 доллар маянасына күн кечирет.

28-октябрга карата жылнаама.

Автор: Айзада Тураркулова

15:39 28-10-2017

Жазылуу

РУБРИКАДАГЫ СОҢКУ КАБАРЛАР

18:01 2025-07-14 | Кылмыштар, кырсыктар

Орусияда спирт ичимдигин ичкен жаран үч досун бычактап салды 67 0

17:53 2025-07-14 | Түркүн дүйнө

Axios: Путин Трампка алдыдагы эки ай ичинде Украинадагы чабуул күчөтүлөрүн билдирди 178 0

17:41 2025-07-14 | Коом жана турмуш

Мүйүздөн жетелеген күзөтчү... Нарында уй супермаркеттин ичине кирип кеткен (видео) 287 0

17:37 2025-07-14 | Түркүн дүйнө

Өзбекстанда жер титирөө катталды 170 0

17:23 2025-07-14 | Коом жана турмуш

Бишкек шаарынын мэри көчмө жыйын өткөрдү (фото) 127 0

17:20 2025-07-14 | Түркүн дүйнө

Камерундун 92 жаштагы президенти кайрадан президенттикке талапкерлигин коюуну чечти 206 0

Архив

Комментарийлер (7)

Aijana121197

2017-10-28 16:03:26

Эх кандай гана жөнөкөй адам,. Бизге да ушундай президент качан келер экен.

+17

toma95

2017-10-28 16:33:13

Алла ыраазы болсун.Акыретин ойлогон адам экен.

+11

Suzak12

2017-10-28 17:23:19

toma95,Амин

nuridindosmatov

2017-10-28 21:05:13

Машшаллах

qazwsx456

2017-10-28 23:50:47

АЛЛАХым деген ,акыретти ойлогон чыныгы инсан экен,мындай жонокой болуу ар кимдин да колунан келе бербейт,биздикилер макаланы окуп ,орнок алса кана эми ааа

almanbetperm

2017-10-29 00:41:40

Атангору биздин алмазыбызда ушундай болуп калбайт белен,

almanbetperm

2017-10-29 00:44:48

Аша только ташыйт,анан зынкыйтып уй салат 20га жерге, барар жериниз урматтуу президент Ата Бейиттен 6кв метр жер

Комментарий калтыруу үчүн өз ысымыңыз менен кириңиз же каттоодон өтүңүз.