Бишкектеги “Сейтек” борборунда Балдарды коргоонун эл аралык күнүнө карата майрамдык концерт болду

Кичинекей бийчилер

Концертке 650 бала катышты

Бишкек шаарынын мэри Иса Өмүркулов балдарды эл аралык балдарды коргоо күнү менен куттуктады

Бүгүн, 30-майда Бишкектеги "Сейтек" балдар жана өспүрүмдөр борборунда 1-июнь - Балдарды коргоонун эл аралык күнүнө карата майрамдык концерт болуп өттү. Иш-чарага катышкан Бишкек шаарынын мэри Иса Өмүркулов куттуктоо сөзүн сүйлөп, балдарга чың ден соолук, ачык маанай, көңүлдүү эс алууну каалады. “Бишкек мэриясы тарабынан жайкы эс алуу мезгилинде маданий, спорттук иш-чаралар уюштурулууда. Шаардагы театр, музей, бассейндер силерди күтүп алышат. Ата-энелер, чоң ата, чоң энелериңер менен бирге келип эс алсаңар болот. 1-сентябрда жаңы күч менен мектепке келесиңер”,- деди Өмүркулов. Аталган иш-чарага шаардын атайын билим берүү мекемелеринен, ден соолугу боюнча мүмкүнчүлүгү чектелген, социалдык колдоого муктаж, Ооган согушунун катышуучуларынын үй-бүлөлөрүнөн 650 бала катышты. Майрамдык иш-чаранын жүрүшүндө балдарга окуу куралдары, балмуздак жана таттуу белектер тапшырылды.

Автор: Мээрим Жеңишбек кызы