Депутаттар Илим Карыпбековдун парламент комитети тууралуу жазган билдирүүсүнө нааразы болушту

Бүгүн, 30-октябрда парламент комитетинин жыйынында депутаттар КТРКнын башкы директору Илим Карыпбековдун парламент комитети тууралуу интернеттеги баракчасына жазган билдирүүсүнө нааразычылык билдиришти.

КСДП фракциясынан депутат Гүлкан Молдобекова: “Чакырылгандардын баарына сөз берилбей калат. КТРКнын башчысы комитет жыйынына катышып, эки саатты жөн эле кетиргени тууралуу жазыптыр. Биз Карыпбековдун жыйынга өзү катышуусун талап кылабыз”, - деди.

Рыскелди Момбеков: “КТРКнын башкы директору Илим Карыпбеков ушул жерде отурган депутаттардын ар-намысына шек келтирди. Эки саат бою 3 депутат анча-мынча суроолорун берди деп сындаптыр. Депутаттардын деңгээли төмөн дегендей сыпаттаган. Бюджет боюнча отчёт алууну КТРКнын өзүнөн башташ керек”, - деди.

Ал эми “Өнүгүү-Прогресс” фракциясынан депутат Тазабек Икрамов КТРКнын Байкоочу кеңеши бул боюнча баа бериши керектигин белгиледи.

Бүгүнкү жыйынга Илим Карыпбеков келген жок.

Илим Карыпбеков 23-октябрда социалдык тармактагы баракчасы аркылуу төмөндөгүдөй билдирүү калтырган. "Парламенттеги комитеттик жыйындардын бирине чакырылып, ага барганымда болжолдуу 42 аткаминер отурганын көрдүм. Талкуу 2 саатка созулду. Ал аралыкта 8дей депутат орточо экиден суроо беришти. Бардык суроолор министрлерге багытталып жатты. Тактап айтканда, жыйынга чакырылган 42 аткаминерден үчөө гана керек болгон экен. Калганы көрүүчү болуп отурду. Менин айлыгым кошумча төлөмдөрдү кошпогондо 28 миң сом", - деп жазган Илим Карыпбеков убакыттын текке кеткенин кыйыткан.

Автор: Жылдыз Джускембаева

15:45 30-10-2017

Жазылуу

РУБРИКАДАГЫ СОҢКУ КАБАРЛАР

19:58 2025-07-16 | Коом жана турмуш

"Я свободен". Балыкчынын мурдагы мэри унаасын чимирилтип айдаган видеосун жарыялады 201 0

19:43 2025-07-16 | Түркүн дүйнө

АКШда катуу жааган жамгыр улам көчөлөрдү сел каптады (видео) 103 0

19:20 2025-07-16 | Кылмыштар, кырсыктар

Жалал-Абаддын тургуну мамлекетке чыккынчылык кылгандыгы үчүн соттолду 352 0

19:11 2025-07-16 | Түркүн дүйнө

Орусияда белгилүү ММА мушкерине кол салуу болду 483 0

18:45 2025-07-16 | Түркүн дүйнө

Казакстанда аэропортто аялды барымтага алган жаранга сот өкүмү чыкты 660 0

18:16 2025-07-16 | Коом жана турмуш

Нургазы Курманбеков Бишкек шаарынын мэринин орун басары болуп дайындалды 691 0

Архив

Комментарийлер (5)

heaven2016

2017-10-30 15:59:40

Чындыкты айтса ба чычалашат.. Ушул депутаттардан пайда деле жок негизи.. Кичинекей балдардай болуп ХХХХ ушак айтышып кана отурушат..

+11

ikitaidesu

2017-10-30 16:04:08

Шайлоонун жыйынтыгы чыгыптыр... Чыкпаса да белгилүү болчу.

admiral

2017-10-30 16:30:30

Момбеков мырза, деңгээлиңер төмөн экенин өзүңөр анча эле билбейт окшойсуңар? Билип алгылы деңгээлиңерне мышык ыйлайт..

nemo2016

2017-10-30 17:30:58

admiral,кошулам чала сабат балт этирип суйлоштон башка эчнерсе ге жарабайт

kenjebek_a

2017-10-30 22:13:17

Илим ишин буткону калды.АША XXXX койоберди.Шайлоо отту жыйынтыгы сен элге да бийлике да кереги жок ...немесин.Караяшигин жакында сени шыбайт.Бийликти мактап бир жактуу иштедин эле эми узурун корчу убак келди.Эх силерди бийлик XXXX иштетти го чиркин,эми XXXX урнага.

Комментарий калтыруу үчүн өз ысымыңыз менен кириңиз же каттоодон өтүңүз.