СУПЕРСТАН: "Үйлөнүү тойдогу кызыктуу окуялар эсиңиздеби?"

SUPER.KG порталынын "Суперстан" бөлүмүндө "Үйлөнүү тойдогу кызыктуу окуялар" деген тема талкууга алынган.

Темадагы билдирүүлөрдөн:

"Тойдо күйөө бала абдан узун бойлуу экен. Бата тойдо кийит кийгизишип, акча кыстырмай башталды. Эки жагындагы жандоочу жеңелеринин бою кыска, жаш да экен. Туугандары, достору акча кыстарган сайын тиги жеңелери акчаны ала албай, бактагы алмага асылгансып күйөө балага асылып акчаны алып турушкан. Жездебиздин бир досу атайын акчаны калпагынын үстүнө коюп койду. Бир жеңеси тыпылдап барып кичинекей табуретка алып келип, ошонун үстүнө чыгып акчаны алган. Карап тургандар аябай күлүшкөн эле. Кызыктын баары тойдо да".

"Той бүтөргө жакын баланын достору сүйлөйт эмеспи, достору сүйлөп каалоо-тилектерин айтып, белегин тапшырышты. Белеги чоң сыналгы болчу, анын кутусуна чоң 3 таш салып коюшуптур. Көрсө белектин акчасын эчак эле беришкен экен. Ал эл көзүнө эле берилген белек болду. Андай белекти биринчи көрүшүм эле".

"Той уланып, кечинде тойканага бардык. Ата-энелер сүйлөп бүткөн соң акча кыстырмай башталып, аны жакындары чогултушат эмеспи. Дал ошол жерине келгенде эже-сиңдилер "мен атамдын акчасын чогултам, сен апама бар" десе, экинчиси көнбөй "жок, сен апама бар, мен атамдын жанында болом" деп айтышып жатып эле урушуп, чачташып кетишти. Элдер "кой" десе да болушпайт, кайра күчөп, илгерки "косяктарынан" бери айтып салышса болобу".

"Тоюбуз аяктайын деп калганда тойканада электр жарыгы өчүп калган. Ачка турган жаным отуруп эле, эч жакты карабай жеп киргем. Мага жарыктын өчкөнү майдай жакты. Кайра эле 5 мүнөттө күйүп калганы жакпай калган".

Кызыктуу окуяларыңыз менен бөлүшкүңүз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

17:16 30-10-2017

Жазылуу

РУБРИКАДАГЫ СОҢКУ КАБАРЛАР

15:40 2025-07-06 | Спорт

Бишкекте өткөн Азия чемпиондугунда кыргызстандык балбандар байгелүү орундарга ээ болду 121 0

15:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 4790 0

14:58 2025-07-06 | Кылмыштар, кырсыктар

Түптө наркы 3 миллион сомдон ашык жер тилке мамлекетке кайтарылды 203 0

14:11 2025-07-06 | Түркүн дүйнө

Техас штатында селден каза болгондордун саны 50гө жетти 385 0

13:27 2025-07-06 | Коом жана турмуш

Блог: Мен көргөн Анталья: күн, деңиз, тарых жана сезимдер 2399 0

12:40 2025-07-06 | Кылмыштар, кырсыктар

Ала-Арчада орусиялык жаранга жардам көрсөтүлдү 678 1

Архив

Комментарийлер (5)

engel

2017-10-30 18:14:10

Тобоо чачташкандары эмнеси?

Nanei

2017-10-30 18:53:28

engel,Ошо ишенген жокмун

Tyty1990

2017-10-30 20:07:28

Досум уйлонгондо достор акыры суйлоп белек бермей болдук. Ошентип той акырында достор чогулуп микрофонго келдик. Ким суйлойт болуп бир аз кызып калган досубуз мен деп эле баштады. Урматтуу досум эрлан аяшым деп атын эсинен чыгарган окшойт,аяшым Аяш десе бир кулкулуу угулду. Ресторан дуу бир кулду. Ошондон кийин досумун кличкасы аяшым Аяш болду да калды.

Begimkyz.

2017-10-30 23:27:44

Менин билдируум чыгып калыптыр го)))

Nestana95

2017-10-31 02:22:02

Мен да курбу болуп барганым эстен кетпейт,кызды алып кеткен куну эле тундо никесин кыйганы молдо келди,баарыбыз чарчаганбыз канча кун уктабай,анан эле киргиле куболор деп киргизип койду,окул ата,апасы,куйоо жолдош да кызуу болчу..молдо суйлой берди,канча убакыт суйлоду билбейм..баарыбыз жер сузуп отурдук,бир убакта окул ата ай молдоке бутурчу эртен озум эле айтып коем калганын деп салды..ынгайсыз боло туштук баарыбыз..созун дагы жарымсаатсуйлоп,суусун берсе куйоо жолдош ичип салган баарын

Комментарий калтыруу үчүн өз ысымыңыз менен кириңиз же каттоодон өтүңүз.