1-ноябрда Бишкектин бир нече мектеп, бала бакча жана ооруканаларында ичүүчү суу убактылуу токтотулат

Эртең, 1-ноябрда Бишкек шаарынын бир нече райондорунда ичүүчү суу убактылуу токтотулат. Бул тууралуу "Бишкексууканал" ишканасы кабарлайт.

Маалыматта белгилүү болгондой, суу эртең мененки саат 9:00дөн кечки саат 5:00гө чейин токтотулмакчы. Оңдоо иштеринин жүргүзүлүшүнө байланыштуу темир жол тилкесинде, Фучик, Фрунзе жана Манас кең көчөлөрүндө жайгашкан турак жай мекемелерге суу берүү чектелет.

Алардын ичинде:

- №31, 13, 8, 2-орто мектептери, №9-окутуу-тарбиялоо комплекси;

- №8, 22, 72, 164, 165, 3 жана 167-бала бакчалары;

- Калык Акиев көчөсүндөгү №73-бала бакча, "Балдарды коргоо борбору", "Ош базарында", "Берекет-Гранд" жана "Арпа" ЖЧКсынын аймагында;

- Улуттук илимдер академиясы, Улуттук Банк;

- №2-клиникалык төрөт үйү, №1-шаардык клиникалык оорукана;

- Бишкек троллейбус башкармалыгы, Ленин райондук администрациясы, Ленин райондук соту;

- Кыргыз Эл аралык университети, Бишкек финансы-экономикалык академиясы;

- №100-лицей жана башка ушул аймактардагы мекеме, турак жайларга суу берүү токтотулмакчы.

"Бишкексууканал" ишканасы аталган аймактын тургундарына суунун запасын толуктап алууну эскертет.

Автор: Гүлжан Асанкожоева