Жогорку Кеңеште 7-8-ноябрь күндөрүн дем алыш деп жарыялоо боюнча талаш жаралды

Бүгүн “Эмгек кодексине өзгөртүүлөрдү киргизүү жөнүндө” мыйзам долбоору талкууланууда. Анда Жогорку Кеңеште 7-8-ноябрь күндөрүн дем алыш деп жарыялоо боюнча маселе каралууда. Мыйзам долбоору талкууланып жаткан учурда депутаттардын арасында талаш жаралды.

"Биз бул мыйзам долбоорун комитет жыйынында караганда КСДП фракциясынын лидери Иса Өмүркулов "7-ноябрь - Октябрь революциясынын күнү катары калат" деп айтты эле. Азыр болсо бул жерде бул күн ата-бабаларды эскерүү күнү катары болот деп жатат. Кайсы бири туура?" - деди депутат Исхак Масалиев.

"Мен 7-ноябрь кызыл боюнча майрам катары калат деп айткам. 7-ноябрь Кыргыз тарыхындагы бардык кайгылуу окуяларды эскерүүчү күн болот. Анын ичинде Октябрь революциясынын күнү дагы бар. 1937-жылдагы окуялар, Улуу Ата Мекендик согуштун, акыркы жылдардагы болгон окуяларды эскерүү күнү болот", - деди Иса Өмүркулов.

"7-ноябрь улуу октябрь революциясынын майрамы болуп жатса, кайгылуу окуяларга кошуп эскеребизби?" - деди Масалиев.

Ал эми Төрөбай Зулпукаров "5-май - Конституция кабыл алынган күндү майрамдардын катарынан алып коюуну мен түшүнбөй жатам. Бул кандай болот?" - деп сурады.

Анвар Артыков менен Ирина Карамушкина да мыйзамга каршы пикирин айтышты.

Президенттин Жогорку Кеңештеги өкүлү Молдакун Абдылдаев бул мыйзамга өзгөртүүлөр киргизиле турганын айтып берди.

"Депутат Дастан Бекешев тарабынан 7-ноябрь, 5-май, 23-февраль күндөрүн алып салуу менен 1-июнду киргизүү сунушталган. Бирок бул мыйзам долбоору кечээ жаңы кошулган демилгечилер менен президенттин жарлыгына байланыштуу 7-8-ноябрь күндөрү гана каларын келишкенбиз. Ал эми Дастан Бекешев мурдагы 7-ноябрь, 5-май, 23-февраль күндөрүн алып салуу менен 1-июнду киргизүү сунушунан баш тартууга макул болгон", - деди президенттин өкүлү Абдылдаев.

Автор: Мунарбек Жоргомов

11:55 01-11-2017

Жазылуу

РУБРИКАДАГЫ СОҢКУ КАБАРЛАР

09:52 2025-07-14 | Түркүн дүйнө

Өбүшүү өмүрдү узартат. Туура өбүшкөндү билесизби? 232 0

09:48 2025-07-14 | Түркүн дүйнө

"Унутулгус учур". Кыздын колун сураган жигит "ооба" деген жооп укпай калды 385 0

09:44 2025-07-14 | Кылмыштар, кырсыктар

Бир күндө өлкөдө 30дан ашык өрт кырсыгы болду 80 0

09:41 2025-07-14 | Кылмыштар, кырсыктар

Бишкекте мушташкандар камакка алынышты (видео) 154 0

09:39 2025-07-14 | Түркүн дүйнө

20 жаштагы кыздын бөйрөгүнөн 300дөн ашык таш алынды 241 0

09:35 2025-07-14 | Коом жана турмуш

Окуучулардын күзгү каникулунун датасы белгилүү болду 234 0

Архив

Комментарийлер (6)

elchi84

2017-11-01 12:08:21

Артистер. .........

Azatbek83

2017-11-01 12:28:13

Башка нерсени чечкилечи силердин майрамынардын айынан бизди орустар кыйнап жатышат.Бизда Ата-Эне балачаканы багайлык тажаттынарго!

Best.bakyt

2017-11-01 12:58:47

Бул ХХХХ тамактарга майрам эле болсо болду. Майрамдан олгону калгансып атып Россияга да жаман когозду кыргызды

Makkambaev97

2017-11-01 13:46:40

Ошондо 7-8ноябрь дем алыш болобу

-1

Paolo

2017-11-01 20:06:00

Кылаарга иши жоктор оздору мн оздору болуп элдин камын ойлогон деле эч ким жок жаш баланы садике таштап кечинде алып кеткендей эле

almaz90

2017-11-02 00:10:04

Кагылайын депуттатар чоон эле адамдарсынарго майрамдан силерге кандай пайда,кичине болсо дагы олкобузду ойлоп чечилбей турган толтура маселелер жатат ошону талашып ошону чечкилечи..,аллахым ушуларга ынсап берчи ооомин..!

Комментарий калтыруу үчүн өз ысымыңыз менен кириңиз же каттоодон өтүңүз.