Президент “Ата-Бейит” мемориалдык комплексине жана "Жеңиш" аянтындагы Өчпөс отко гүл койду

Кыргыз Республикасынын президенти Алмазбек Атамбаев бүгүн, 7-ноябрда Тарых жана ата-бабаларды эскерүү күндөрүнө байланыштуу “Ата-Бейит” Улуттук тарыхый-мемориалдык комплексинде болду. Бул тууралуу президенттин басма сөз кызматы билдирди.

Алмазбек Атамбаев жаңы шайланган президент Сооронбай Жээнбеков, Жогорку Кеңештин төрагасы Дастанбек Жумабеков, премьер-министр Сапар Исаков, Жогорку Соттун төрайымы Айнаш Токбаеванын коштоосу менен 1916-жылдагы трагедиялуу окуяларда курман болгондордун мемориалына, саясий репрессиялардын курмандыктарынын эстелик-мемориалына, Ч.Т.Айтматовдун бейитине гүл коюшту.

Андан кийин мамлекет башчысы менен коштогон адамдар 2010-жылдагы Апрель элдик революциясынын баатырларынын мемориалына барып, куран окушту.

Ошондой эле Тарых жана ата-бабаларды эскерүү күндөрүнүн алкагында президент Алмазбек Атамбаев менен шайланган президент Сооронбай Жээнбеков, ошондой эле мыйзам чыгаруу, аткаруу жана сот, бийлик бутактарынын башчылары Бишкектеги "Жеңиш" аянтына барып, 1941-1945-жылдардагы Улуу Ата Мекендик согуштун ардагерлеринин жана ооруктун эмгекчилеринин элесин эскерип, Өчпөс отко гүл коюшту.

Тарых жана ата-бабаларды эскерүү күнүнө арналган, анын ичинде Кыргызстандын калыптануусундагы жана өнүгүүсүндөгү тарыхый инсандардын ролуна байланыштуу тиешелүү иш-чаралар өлкөбүздүн бардык аймактарында облустардын жана райондордун жетекчилеринин катышуусунда өткөрүлөт.

Автор: Айпери Ганыжан кызы
Фото: Султан Досалиев

14:28 07-11-2017

Жазылуу

РУБРИКАДАГЫ СОҢКУ КАБАРЛАР

12:04 2025-07-14 | Коом жана турмуш

Бишкек мэри Жунушалиев Фрунзе көчөсүндөгү иштин темпин күчөтүүнү тапшырды 7 0

11:57 2025-07-14 | Кылмыштар, кырсыктар

Сокулукта автобустун айдоочусун жүргүнчүлөр сабап салышты (видео) 109 0

11:43 2025-07-14 | Коом жана турмуш

Ош – Кара-Суу унаа жолу эки тилкелүү болуп курулат 161 0

11:37 2025-07-14 | Коом жана турмуш

Балыкчынын мэри кызматынан айрылышы мүмкүн экенин билдирди 453 0

11:13 2025-07-14 | Бизнес-Инфо

Элдик Банк – аялдардын укуктарына арналган дата-арт көргөзмөнүн өнөктөшү 88 0

11:12 2025-07-14 | Түркүн дүйнө

Клубдук дүйнө чемпиондугунун мыкты оюнчусу аныкталды 280 0

Архив

Комментарийлер (5)

Eksvp_1

2017-11-07 15:28:15

Бул күн Кыргыздын Духу ойгоно турган күн. 07,11,2017

KGstan1981

2017-11-07 16:13:14

Баткен,Жалал-Абад,Нарын,Ош,Талас,Ыссык-Кол,Чуй облустарынын эли жана о.э Текебаевтин,Бабановтун,Жапаровтун,Мадумаровтун,Мырзакматовтун тарапташтары бир муштум болуп бируугугоо убакыт келди.

SansaNePredaiJohna

2017-11-07 17:48:15

орустардын каршы чыгып не пайда тавасын.

-3

jbolotov

2017-11-08 00:47:37

SansaNePredaiJohna,Чон аталарынды бир убакта орустар кырган пулемёт менен кууп атып, калганы жан сактап кышында кытайга ото качып кырылган. Ошол бабаларыбызды 7-ноябрь орустун датасын белгилегенден коро туура озгортту.

-1

Medina87

2017-11-07 22:52:43

Бети жокко даба жок!!!

Комментарий калтыруу үчүн өз ысымыңыз менен кириңиз же каттоодон өтүңүз.