Сооронбай Жээнбеков парламентти таратууга негиз жок экенин билдирди

Президенттик шайлоодон утуп чыккан Сооронбай Жээнбеков парламентти таратууга негиз жок экенин айтты. Бул тууралуу ал бүгүн, 8-ноябрда РИА Новости агенттигине берген маегинде билдирди.

“Парламентти таратуу боюнча азырынча саясий кризистин белгилери жок. Жаңы парламенттик шайлоо өткөрүү үчүн маанилүү негиз болушу керек”, - деди ал.

Мындан тышкары Жээнбеков Орусия Кыргыз өлкөсүнүн негизги стратегиялык өнөктөшү бойдон кала турганын белгиледи. “Кыргыз-Орус мамилеси акыркы жылдары жакшы өнүгүп баштады. Биз мындан ары дагы саясий диалог, коопсуздук, соода-экономикалык кызматташтыкты бекемдешибиз керек. Эки өлкөнүн мамилесин жакшыртууга болгон күчүмдү жумшайм”, - дейт.

Автор: Жылдыз Джускембаева