"ЭЛДИК КАБАРга" жооп: "Оштогу балдардын жугуштуу оорулар ооруканасы 180 бейтапка ылайыкталган, бирок 220 адам дарыланууда"

Ош шаардык клиникалык ооруканасына караштуу Балдардын жугуштуу оорулар стационарында учурда сасык тумоого чалдыккандардын саны көбөйүп жатат. Оорукана 180 бейтапка ылайыкталган, бирок 220 адам дарыланууда. Бул тууралуу SUPER.KG порталына бүгүн, 9-ноябрда аталган стационардын жетекчиси Кайрат Абжалов билдирди.

"Жугуштуу ооруга чалдыккан балдарды дарылаган стационар түштүк аймагында жалгыз ушул эле. Бизге Жалал-Абад, Баткен, Ош облусунун тургундары кайрылышат. Ага байланыштуу сасык тумоо жүрүп жаткан учурда бейтаптарга орун жетишпей калат. Мындай абалда кошумча орун даярдаганга чейин коридорго бир нече саатка орун даярдап жаткырууга аргасыз болобуз. Учурда да сасык тумоого чалдыккандар көп болууда. Бизде 180 бейтапты дарылоого орун бар, бирок 220-230 бейтап дарыланууда. Бейтаптарга орун жетпей маселе жаралганы чын, андай фактылар бар. Бирок тазалыкты сактоо жаатында эч качан маселе жаралган эмес, буга бизде өзгөчө көңүл бурулат. Дары-дармектер да жетиштүү, дарыгерлер бейтаптарды жакшы тейлөөгө бар күчтөрүн жумшашууда", - деди Кайрат Абжалов.

Айта кетсек, буга чейин "Элдик кабарга" окурман кайрылып, Оштогу балдардын жугуштуу оорулар ооруканасында орундар жетишпей, ооруп барган балдарды коридорго жаткырып жатканын кабарлашкан.

Автор: Кенжебай Сатканалиев
Фото: Окурман жөнөткөн сүрөттөр

13:21 09-11-2017

Жазылуу

РУБРИКАДАГЫ СОҢКУ КАБАРЛАР

17:50 2025-06-28 | Түркүн дүйнө

The Times: Израил Иранга чабуул жасоого даярдыкты 2010-жылы баштаган 1358 0

17:28 2025-06-28 | Түркүн дүйнө

Путин Украина менен Стамбулда үчүнчү ирет сүйлөшүү өткөрүүгө даяр экенин билдирди 1050 0

16:25 2025-06-28 | Түркүн дүйнө

АКШда асмандан сырдуу оттуу шар байкалды (видео) 1953 0

16:07 2025-06-28 | Түркүн дүйнө

Пакистанда теракт уюштурулуп, 16 адам каза тапты 788 0

14:56 2025-06-28 | Түркүн дүйнө

Ливанда Израилдин аба соккусунан 11 адам жаракат алды 1210 0

14:36 2025-06-28 | Коом жана турмуш

Такыр-Төр көлүнөн коркунуч жаралган аймактарда "Өзгөчө кырдаал" режими киргизилди 1154 0

Архив

Комментарийлер (2)

ajdaaar

2017-11-09 13:22:28

Жалал-Абаддагы торотканада 3-4 эсе коп аял жатат го....

marmiladka9

2017-11-09 14:01:59

бул оорукананын карап тейлегени жакшы бирок шарты ото начар абалда. Менда балам ушуп уйдон печка алдырып жатканбыз мартта. Кайда барба мамайдын гору бала ооруса

Комментарий калтыруу үчүн өз ысымыңыз менен кириңиз же каттоодон өтүңүз.