Дарыгерлер "негизсиз жумуштан айдалдык" деп министрге нааразычылык билдиришти

Бүгүн, 9-ноябрда Саламаттыкты сактоо министрлигинин жумуштан айдалган кызматкерлери маалымат жыйын өткөрүштү. Алар жумуштан кетирүү чечими негизсиз деген пикирин айтышып, коомчулукка кайрылуу жасашты.

Дарыгерлердин бири Жыргал Касымалиеванын айтымында, саламаттыкты сактоо министри Талантбек Батыралиев аны эч бир далили жок жумуштан кетирген.

"Биздин негизги максат министрликте болуп жаткан окуяларды коомчулукка жеткирүү. Мисалы, мен негизсиз жумуштан айдалдым. Себебин сурасам "мен министрмин, кетесиң дедимби, демек, кетесиң. Ишиңден кынтык таппасам, демек, башка жагыңдан кемчилик таптым" деп айтты. Чынында таң калдым. Эмне "чоң" адам болсо эле өз билгенин кылса боло береби? Мен министрдин мыйзам чегинде иш алып баруусун талап кылам", - деди ал.

Кесиптешинин сөзүн Бурул Алмазбекова да коштоду. "Биздин министр Түркияда 20 жылдан ашуун иштеп келгени менен, Кыргыз жеринде бир да кенедей клиниканы башкарган эмес. Андыктан бул жактагы негизги көйгөйлөрдү да билбейт. Анын "жогору жакта" ишенген адамдары болгондуктан мыйзамды таптакыр сыйлабайт", - деди ал.

Ал эми башкы дарыгер Светлана Мамутованын билдиришинче, аталган дарыгерлерди жумуштан алуу бир түндүн ичинде ойлонуп табылган нерсе. "Менин дарыгерлик тажрыйбам - 45 жыл. Медицина тармагында ушунча жыл иштегенимди сыйлап, жок дегенде 1 ай мурун жумуштан кетеримди айтып коюшса болмок. Бир түндүн ичинде эле чечим чыгара салышты. Жумуштан кетирүү чынында капа кылбай койбойт. Министр өзү "пенсия курагындагыларды жумуштан алдым" деп маалымат таратыптыр. Мейли, иштебей эле коёлу. Болгону бир аз эртерээк айтышканы дурус чечим болмок", - дейт Мамутова.

Эске салсак, 2-ноябрь күнү 6 дарыгер саламаттыкты сактоо министри Талантбек Батыралиевдин буйругу менен жумуштан четтетилишкен. Министр бул окуя боюнча пенсия курагындагыларды жумуштан алганын, жаштарга орун бошотуу керектигин айткан.

Автор: Наргиза Талантбекова
Фото: Наргиза Талантбекова

12:27 09-11-2017

Жазылуу

РУБРИКАДАГЫ СОҢКУ КАБАРЛАР

15:47 2025-07-14 | Түркүн дүйнө

Футбол жылдызы Ямал туулган күнүндө эргежээлдерди жалдаган деп айыпталууда (видео) 183 0

15:32 2025-07-14 | Коом жана турмуш

Оштун мэри Көк-Жаңгакта салынган эки үйгө "эки дос" деген аталыш ыйгарды 274 0

15:18 2025-07-14 | Коом жана турмуш

Орунбеков: "Быйыл 32 жаңы медициналык имарат курулуп жатат" 154 0

15:04 2025-07-14 | Коом жана турмуш

Кара-Жыгач - Сары-Челек жолунун 6 чакырымы асфальтталат 209 0

15:00 2025-07-14 | Кылмыштар, кырсыктар

Ысык-Көлдө наркы 44 миллион сомдон ашык жер тилкелери мамлекетке алынды 183 0

14:50 2025-07-14 | Коом жана турмуш

Ош облустук балдар ооруканасынын жетекчиси кезек күтүүлөр боюнча түшүндүрмө берди 457 0

Архив

Комментарийлер (7)

Birimdik5555

2017-11-09 12:31:43

Минитстрдин тааныш,туугандарына ошол места керек болуп калгандыр да,силердин ордунарга очойтуп акча алат да анан башка бироону киргизип коет

Shekeev969798

2017-11-09 12:35:15

Туура булар канча адамды сыздаткан карышкырлар кетсин жаштар келсин

-3

elchi84

2017-11-09 12:45:56

Пенсиядагылар кетсин ордуна жаштар иштесин пенсия да алат айлык дагы алат а жаштар иш таппай журушот.

run

2017-11-09 12:59:12

Tuura ele kildi jumushtan alip.

Azatbek83

2017-11-09 13:20:41

Министр озу жаш бекен?Озу местасын жаштарга берип башкаларга пример кылып эми биз кетелик жаштарга орун бошотолук десе жакшы болмок.Озу калып жаштарга акча берсенер орун бар деп туугандарына ушундай министр болуп турганымда шанс бар места даяр дептирда!Министр эмне десем ошол дептир кыйраткансып Президентмин колунардан келгенин кылгыла менин мураскерим президент аты эле болбосом озум башкарам дегендей эле болуптурда.

barakcha

2017-11-09 13:37:39

Туура кылат.Креслого жабышып албай жаштарга орун беришсин да.Эмне кереги бар чычалап?

nur85

2017-11-10 12:43:25

туура эле да. пенсия жашына жеткен сон кетип жаштарга орун бошотпосо жаш кадрларга кайдагы жумуш орду болот.Не бир аз мурунураак айтып койсо иштен суйунуп журуп кетишмек бекен беле.баарибир ушинтип нараазычылыктары чыкмак.Булар просто кыныр иштерин жаап алганга улгурбой калышкан болушу мумкун

Комментарий калтыруу үчүн өз ысымыңыз менен кириңиз же каттоодон өтүңүз.