Депутат өкмөттүн өкүлүнө: "Сиз парламентте отурасыз, атаңыздын төрүндө отурган жоксуз"

"Сиз парламентте отурасыз, атаңыздын төрүндө отурган жоксуз", - деп бүгүн, 9-ноябрда Жогорку Кеңештин жыйынында "Өнүгүү-Прогресс" фракциясынан депутат Мирлан Бакиров Өнөр жай, энергетика жана жер казынасын пайдалануу мамлекеттик комитетинин төрагасынын орун басары Сүйүнтбек Аликеевге кайрылды.

“Кыргыз бажы тарифтери жөнүндө” мыйзамындагы мүчүлүштүктөрдү жоюуга багытталган мыйзам долбоору талкууланып жатканда Аликеев депутаттардан сөз талашып, алтын кендер боюнча маалыматы жок экенин билдирген.
"Республика-Ата Журт" фракциясынан депутат Мирлан Жээнчороев Аликеевдин жоопкерчилигин кароону сунуштады. "Өзүнүн үйүнүн төрүндө жатып алып сүйлөгөндөй болуп жатат. Урматтуу Жогорку Кеңештин төрагасы, мындай чиновниктердин жоопкерчилигин карап чыгуу керек", - деп Жээнчороев спикер Дастан Жумабековго кайрылды.

Өкмөттүн Жогорку Кеңештеги өкүлү Өнөр жай, энергетика жана жер казынасын пайдалануу мамлекеттик комитетинин төрагасынын орун басары бул кызматка жаңы келгенин айтты.

Дастан Жумабеков кызматка жаңы келди деген мыйзамда жок экенин белгиледи. "Мындай чиновниктердин жоопкерчилигин караш керек. Бул кызматка жаңы келди деген мыйзамда жок. Мен өкмөт башчыга бул боюнча тапшырма берем. Анын аткарылышын көзөмөлдөйм. Мындан кийин даярдыгы жок жыйынга келген өкмөт өкүлдөрү залдан чыгарылат", - деди Жумабеков.

Автор: Мунарбек Жоргомов

15:41 09-11-2017

Жазылуу

РУБРИКАДАГЫ СОҢКУ КАБАРЛАР

12:04 2025-07-14 | Коом жана турмуш

Бишкек мэри Жунушалиев Фрунзе көчөсүндөгү иштин темпин күчөтүүнү тапшырды 7 0

11:57 2025-07-14 | Кылмыштар, кырсыктар

Сокулукта автобустун айдоочусун жүргүнчүлөр сабап салышты (видео) 109 0

11:43 2025-07-14 | Коом жана турмуш

Ош – Кара-Суу унаа жолу эки тилкелүү болуп курулат 161 0

11:37 2025-07-14 | Коом жана турмуш

Балыкчынын мэри кызматынан айрылышы мүмкүн экенин билдирди 453 0

11:13 2025-07-14 | Бизнес-Инфо

Элдик Банк – аялдардын укуктарына арналган дата-арт көргөзмөнүн өнөктөшү 88 0

11:12 2025-07-14 | Түркүн дүйнө

Клубдук дүйнө чемпиондугунун мыкты оюнчусу аныкталды 280 0

Архив

Комментарийлер (6)

mir777

2017-11-09 15:49:13

чык эшикке 2й сезон

+12

Isco23

2017-11-09 16:09:29

Молодец чара коруш кк урматтуу торага

datkayimjan

2017-11-09 16:23:04

Кочодо журуп эле министрликке барып калган окшойт. Дароо эле ео чык эшикке деш керек мындайларды

NURSAPAR

2017-11-09 18:00:40

Азамат Мирлан

Best.bakyt

2017-11-09 18:44:31

Бир ырыстуу кадр жок бийликте. Бут ашмалтайы чыккан кат сабатсыз, маданияттан аркан бою алыс кургурлар топтолду го.

Eli.91

2017-11-10 00:02:39

Эх ушу чондордун акыйнегинен жададым,уят намыс кылабыз ушу чондордон,баары ыдырабай биригип ынтымактуу болушса кана?оздору 120 болсо элди эмес даже оздорун башкаралбайт,элдин койгойлорун чечишбей оздору менен оздору убара,эркек баштары менен отуруп алышып акыйнек айтышат,ушул депутаттардан жакшы нерсе умут этсек болобу?бир маселени чечилбей эле биринин артын бири чукуйт.

Комментарий калтыруу үчүн өз ысымыңыз менен кириңиз же каттоодон өтүңүз.